استمان ءِ مشکلانی رندگیری ءُ ملک ءِ رکێنگ گۆں «سیاست ءُ نۆکێں رهبنداں» په کارمستراں یک «واجب شرعی» ئے انت

شیخ‌الاسلام مولانا عبدالحمید، ماں زاهدان ءِ نمازجمعه ءِ دیوان ءَ (25 مهر 1404/ 17 اکتبر 2025) گۆں اشاره به ڈیه ءُ ملک ءِ نۆکێں ءُ آزگ‌سمائێں جاور ءَ «سیاستانی ٹگلێنگ» ءُ «نۆکێں رهبندانی پێش دارگ» ءَ شه کارمسترانی نێمگ ءَ په ملک ءِ در کنگ ءَ شه اے مشکل ءُ گپچلاں یک «شرعی ئێں واجبے» زانت.

🔹 برنامه ءُ سیاستاں بائد نۆکێں جاور ءِ رد ءَ ردءُبند به انت

په سنی‌آنلاین ءِ سرهال ءَ مولانا عبدالحمید درشان کرت: دنیا نۆکێں جاور ءِ ته ءَ انت ءُ که آیرا نۆکێں سیاست ءُ رهبند په‌کار انت. کارمستر ءُ سرمستر ءُ مزن‌سسا ءُ تیوگێں پاٹیاں بائد انت هر زمان ءِ جاور ءِ رد ءَ وتی هبر ءُ سیاستان ءَ ردءُبند کن انت.
واجه ءَ گێش کرت: همے گوستگێں جنگاں ءُ زوتێں بدلیاں نشان دات که «جنگ» کارساز نه انت. مرۆچی ئێں جنگاں که آوانی ته ءَ نۆکێں سلاه ءُ اوزار کارمرزَ به انت باز خطرناک ءُ بێران کنۆک ءُ په مردم ءُ چاگرد ءُ ڈیه ءِ چٹی ءَ انت.

🔹«سلاهی دۆڑ» ءُ «جنگ ءِ ڈهول ءِ جنگ» ءِ بدل ءَ «نۆکێں رهبند ءُ سیاست» درگێج ات
زاهدان ءِ آدێنگ ءِ امام ءَ کڈن کرت: مرۆچی ملک نۆکێں جاور ءِ آماچ انت ءُ گهتر انت که کارمستراں سلاهی دۆڑ ءُ جنگ ءِ ڈهول ءِ جنگ ءِ بدل ءَ نۆکێں رهبند ءُ سیاست درگێج انت.
واجه ءَ درائێنت: وهدے که چنکه سالگێں بندشاں مردمانی زندگی ءَ سک تاوان رسێنتگ ءُ زر ءُ مال‌اش تباه ءُ زندگی اش بێران تباه بوتگ، بژن انت که کسے استمان ءِ آسلوت ءُ هبر ءُ گرێوگاں گۆش نه کنت ءُ هرکس وتی راه ءَ روت. اے هشتاد ملیونی ئێں استمان ءَ آپ ءُ نان ءُ زندگی په‌کار انت، زهگان اش وانگ ءُ آرۆس ءُ ناجۆڑان اش علاج په‌کار انت. آوانَ بازێں زلورتے هست که ماں پهکێں پڑاں بن‌بست ءَ لگ اتگ انت.

🔹وڑوڑێں پاٹیانی «رۆزیگی زهرشانیاں» رندگیری به انت
واجه ءَ دێمتر ءَ درشان کرت: هر رۆچ ملک ءِ ته ءَ زۆزیگی زهرشانی بوگ ءَ انت. کارنشتاں ءُ وانێنۆکاں ءُ پرستار ءُ پوریاگراں ءُ وڑوڑێں پاٹیاں اێراد دار انت. صندوق ءُ بانکاں پرۆش وران انت ءُ مردم اێراد دار انت. مردمانی اێراداں دلگۆش کن ات. آ زهرشانیانَ گۆش دار ات که بندیجاهانی ته ءَ بوگ ءَ انت. تیوگێں زهرشانی ءُ لۆٹاں رندگیری کن ات تاں الله ءُ مردمانی وشنودی ءَ کٹ ات.

🔹ملک ءِ رکێنگ ءِ گهترێں راه همێش انت که همے سهل ءَ که تا کساسے عادلانه ءُ منصفانه انت، هوار به ات
مولانا عبدالحمید ٹکاٹک گوشت: من اێشرا په کارمستراں ءُ سرمستراں یک شرعی واجبے زان آں که یک نۆکێں رهبندے ءِ پکر ءَ به انت. گهترێں راه اێش انت که کارمستراں به سهل ءَ هوار به انت. پهکاں بائد انت په میان‌رۆدرآت ءُ دنیا ءِ سهل ءَ پکر کن انت تاں دنیا گۆں سهل ءُ تاهیر ءَ زند گوازێن ایت.
واجه ءَ گێش کرت: انون استمان نه زندے دار ایت ءُ نه زرے، زر ءِ چست ءُ اێراں ءُ جاور ءِ بدل بوگ ءَ سۆداگری ئے هم په مردماں نه منتگ ءُ نۆکێں بندشاں که ودی انت سک بێران کنۆک انت. ماں اے جاور ءَ په هر حکومتے فرض ءُ واجب انت که اول وتی استمان ءِ پکر ءَ بیت. ایران ءُ ملک ءُ استمان ءِ پکر ءَ به ات؛ الله ءِ وشنودی همێشی ته ءَ انت. اول گس ءَ سات ات ءُ گڑا تیوگێں مڈیاں په همے استمان ءَ هرچ کن انت.
واجه ءَ همےرنگ درائێنت: ملکاری ءِ پڑا یک دیدانک ءُ سسا پسو نه دنت، بائد انت شه نۆکێں ملکاری تاکتیکاں کار گرگ بیت ءُ په ملک ءِ رکێنگ ءَ گۆں مزن‌سسا ءُ سیاستزانتاں شۆر بیت.

🔹«زۆرێں استه گرگ» گۆں شرع ءُ میان‌استمانی کانوداں چپ انت
مولانا عبدالحمید گوشت: اے رۆچاں لهتے شه بندیگاں ماں بندیجاهاں اعتصاب کرتگ ءُ زۆرێں استه گرگ ءِ بند کنگ ءِ لۆٹۆک انت. زۆرێں استه گرگ شرع ءُ ایران ءُ میان‌استمانی کانودانی چپ ءَ انت ءُ هچ منّگ نه بیت.
زاهدان ءِ آدێنگ ءِ امام ءَ گوشت: اے استمان ءِ لۆٹ انت که پاهواں بند کن ات. استمانے که گشنگ انت ءُ مشکلات دار ایت نه بائد گۆں گرانێں سزائاں آماچ بیت.

▫️مولانا عبدالحمید همےرنگ گۆں اشاره به پاکستان ءُ اۆگانستان ءِ جێڑهاں دوئێں ملکاں سۆگه کرت که وت‌داری کن انت ءُ وتی جێڑهاں گۆں گپءُتران ءَ جۆڑ کن انت.
زاهدان ءِ آدێنگ ءِ امام ءَ فلسطینی ءُ اسرائیلیانَ هم سۆگه کرت که آسبندی ءَ کمار کن انت ءُ منگنامه ءِ رد ءَ کرد کن انت.