زاهدان ءِ پهکێن زهرشانیانَ به دگه جاهے مردماں لچێنگ، بن‌گپ ءِ ڈالچار کنگ انت/ هژدری اێش انت که مردمانی توار ءَ بشکن اێں

چهبار ءِ جهگیر ءَ ما پارلمان ءَ سرکاری رۆتاک ءِ بےمنانکێں گپے باروا که گوشتگ ئِے جنێناں شه دگه مێتگاں زاهدان ءَ شتگ ءُ ناره اش داتگ، گوشت: اگاں شه دگه جاهے هم بوتگ انت، شه همے ملک ءِ مردمان انت، بنداتی گپ اێش انت که ما مردمانی توار ءَ بُشکن اێں.

په سنی‌آنلاین ءِ سرهال ءَ معین‌الدین سعیدی ماں گپءُتران گۆں «انتخاب» تندجاه ءَ گوشت. آ کساس که من زان آں، آ مردماں که ماں زاهدان ءِ زهرشانیاں بهر زور انت شه همۆدے نمازوانۆکان انت، اگاں شه دگے جاهے بےانت هم شه همے ملک ءِ مردمان انت. بنداتی گپ اێش انت که ما مردمانی توار ءَ بُشکن اێں.

معین‌الدین سعیدی ٹکاٹک گوشت: اے باز هژدری انت که هر دێمرئی ماں اقتصاد ءَ گۆں امنیت ءَ بیت. پمێشا بائد پهکاں امنیت ءِ بن‌گپ ءَ وتی اگده زانت انت. ناامنی ءِ ائولی چَٹی همے استان ءِ مردمان رس ایت، بلێن اے که ذمه‌واراں پهکێن زهرشانیانَ به دگه جاهانی مردماں لچێن انت ءُ اے چیز ءَ نادلگۆش کن انت، اے هچ تۆجیلے نه انت.

سعیدی همےپێم زاهدان ءِ زهرشانیانی باروا گوشت: ماں هپتگ ءِ دگه رۆچاں استان بےمۆچ ءُ بےبرمش انت ءُ گۆں ذمه‌وارانی جهداں امن انت، بلێن ماں جمعه ئانی رۆچاں ماں زاهدان ءَ یک پاٹی ءِ شه مردماں ءُ نمازوانۆکاں وتی لۆٹانَ جار جن انت. سعیدے تچکاتچک گوشت: اگاں اے استان ءَ گۆں امنیتی دید ءَ چار ات، گڑا هچ‌بر اے استان دێمرئی نه کنت، اگاں سرکارَ لۆٹ ایت جاور بدل بیت، گڑا ماں استان ءَ انچێن مردمانَ کار گیت که اے مردمانی دردانَ گند انت ءُ استان ءِ راجمانی ءُ ملکاری بن‌گپانَ جاه کار انت.