مولانا عبدالحمید لوٹت که زاهدان پارلمانے یازدهمین گچینکاری‌یے نتیجه‌ئانِ بابتا دیم‌گوشی بیت

 سنی آنلاین: شیخ‌الاسلام مولانا عبدالحمید ماں اهل‌سنتے جمعه نمازے دیوانا (9 اسفند 1398) گوں انتقاد شه «ابهام» ؤ چیراندریان ماں پارلمانے یازدهمین گشتے گچینکاری‌یے برجم‌دارگا، شه ذمه‌واران لوٹتِ که اے بابتا دیم‌گوشی کننت ؤ گڑّتیانَ دور کننت ؤ آیانَ شه ایشی که اے ابهام مردمانِ دلے تها ماننت، ڈاه دات.

په سنی‌آنلاینِ سرهالا؛ مولانا عبدالحمید پد شه پارلمانے یازدهمین گشتے گچینکاری‌یے رهبندے بیانا شه اهل‌سنتانِ کمّین هور بیگ ماں گچینکاری‌یے هیئت اجرائیا ؤ آیانِ هور نبَیگ ماں هیئت نظارتا ماں زاهدانا گلَگ کرت ؤ گوشته: یکّویی ؤ براتی‌یے ساتتن ماں زاهدانا په امّا شه هر چیزی مهم‌ترنت. واجها مان‌بیگ یک جهگیرے شه شیعه‌یا ؤ یک جهگیر شه اهل‌سنتا ماں پارلمانا را به زاهدانِ سؤبا زانت.

زاهدانِ اهل‌سنتے جمعه پیشنمازا وتی هبرانِ دیمترا گوں اشاره به بعضے سرهالان که لهتین شه گچینکاری‌یے نامزدان به خاطر ارتباط گوں مسجد مکی‌ئا رد صلاحیت بوتگنت، گوں سکّین انتقاد شے بابتا اگه اے سرهالان درست ببنت، به علما و اهل‌سنتانِ مزنین جهد ؤ کوشستا په سیستان و بلوچستانے تپاکی ؤ امنیتا اشاره کرت ؤ یکّویی، براتی، میانه‌روی، تعامل ؤ سازنده‌ئین انتقادا شه مسجد مکی‌واله‌ئانِ مهم‌ترین سیاست ؤ فکرا زانت.

دارالعلوم زاهدان کارمسترا وتی هبرانِ گڈسرا گوں اشاره به ویروس کرنای تالان بیگا تیوگانَ به دست‌جمعی‌ئین توبه، استغفار، پلگار شه گناه، گردانِ استاتن په امر به معروف و نهی شه منکرا، عمل صالح ؤ دعا و طبیبی و بهداشتی‌ئین توصیه‌ئانِ عمل کنگ چو نه شُتن په غیرضروری‌ئین سفر ؤ ضدعفونی کنوکین موادانِ کارمرز کنگا تأکید کرت.