پاکستانِ گچینکاری وَ بلوچستانِ نوکیں دَور

سنی‌آنلائن| پاکستانِ بلوچستان، اِے ملکِ مستریں وَ کستریں صوبه/ ایالت اِنت، پہ سرزمینِ وَجہا مستریں وَ پہ مردمانی شمارا کسترین اِنت. اے گُڈّی گچینکاری/انتخابات کہ سے مرداد 1397ءَ انجام بیت، اے اسلامی مُلکِ تاریخِ تها عجیب تریں وَ چست وَ ایرتریں گچینکاری اَت.
دو صوبہ په نام «خیبرپختونخوا» و «بلوچستان» مذهبی حزب و گروپانی اجتماعی مرکز و بن‌جاه اَنت، همے پیم اِے دوئیں صوبه پشتون وَ بلوچانی ملی و وت‌واجهی لوٹانی جاگاه اَنت، بلے اِے آخری سالاں مردمانی واهش پہ غیر مذهبی وَ مرکزی پاٹیاں گیشتر بوتگ.
بلوچستانِ تها سیاستِ پڑ و میدانِ گپا همیشه راجی سردار و کماش جننت. اِے سردارانی کار چوش اِنت که هر گچینکاری و انتخاباتا یک گروپیا هور اَنت و پدا وتی گروپا بدل کننت، گوں همے واستا حافظ حسین ‌احمدا (جمعیت علمای اِسلامِ نام وَ نشانیں باسکے) اِے سردار په «بے لوگیں سیاسی والا/بےپاٹی سیاست‌زانت» نام بستگ اَنت.
بلے اے بری اِے مردماں کمتر پَہ «مسلم لیگ» وَ «حزب مردما» همراهداری کت. لهتے چه ماهریں سیاست‌زانت وَ وَشّ سرگوستیں لیڈراں نوکیں پاٹیِ اَڈّ کُت وَ توانتش که گیشتریں اوٹاں وتیگ بکننت.
«بلوچستان عوامی پارتی» (باپ) اوٹاں چنت ماه پیش چه گچینکاریا جوڑ کنگ بوت، اے پاٹیِ سربراه پیسرا مسلم ‌لیگِ باسک بیتگ اَنت. اے پاٹی آڈّ کنگ گوں اِشی که بازیں تهمت و بهتامے جنگ بوتگ چوکہ سرکارے فوج وَ امنیتی باسکاں مَدَت کتگ اَنت، بلے پہ پاکستانِ بلوچستانا شرّیں کارے اِنت، اے کار پیشدارگ اِنت که بلوچستانِ سیاست‌زانتاں وتی سرا بروسہ کنگ اَنت.
«باپِ» حزب و پاٹیِ سوبیں بیگ گوں «جام کمالِ» مستریا که چه (لَسبیله) سرداران اِنت اے راه په آئیا پاچ کرتگ که بتوانت صوبایی دولتے جوڑ بکنت. «باپا» صوبائی مجلسِ ۱۵ سیٹّ وتیگی کُتگ وَ دگہ ۴ سیٹِّ واهنداں هں وتی تپاکی گوں آیاں جار جتگ. درستی چِل درصدِ سیٹّ اِے نوکیں حزبا وتیگی کرتگنت. اے درمیانا «جمعیت علمای اسلاما» کہ ۹ سیٹّ دستا آورتگ، پہ اپوزیشنِ سیٹّانی دارگا واهگی نیست.
همے وڑا بلوچستانِ عوامی پاٹی گوں عمران خانا پہ کابینہِ جوڑینگا گند و نند کنگ اَنت، اے گپِّ بزانت همیش اِنت کہ مرکزی پاٹیانی دلگوش گوں محرومیں بلوچستانا گیشتر بَیَگ اِنت.
چہ دگہ نیمگے ملّی گرائیں سیاست‌زانت ‌‌«سردار اختر مینگل‌» کہ پہ شرّیں ڈولے اے گچینکاریاں سوبین بیتگ، آئیا توانگ که بازینے چه «سیاسی بے پاٹیا» گوں محلّی پاٹیا هور بکنت.
در کُلّ ملی گرائیں پاٹیاں کہ بلوچستانا سیٹّ کَٹّ اِتگ اَنت، آهاں گوں «تحریک انصاف» پاٹیا هچ ڈولیں دیم پہ دیمی نیست، اے گپ پہ دیمے پنچیں آیوکیں سالاں پہ محرومیں بلوچستانا وَشّیں گپے بیت کنت.
بلوچستانِ صوبہ هنّی گوں دو جیڑها کہ معیشتی وَ امنیتی اَنت دیم پہ دیم اِنت، درست زاننت دوهمی جیڑه اولی جیڑهِ برورد اِنت. محلی دولتا پہ جیڑهانی حل کنگا دگہ راهے نیست، بایدیں وتی توامیں وسا پہ اے جیڑهانی حل کنگا کار بِہ بند اَنت، بلے پہ شرطے کہ سیاست والا وتی کیسگِ پر کنگِ حیالا مَبنت ، پہ مردمانی وَشّی وَ آسیدگیا جهد بکننت.