زهگ و زالبول

سنی‌آنلائن| زهگ هما کس اِنت کہ هرچ انسانِ اولی لوٹ اِنت کہ حاوند منا نیک و صالح و سالم و جاندراهیں زهگ نصیب بکنت. پچے زهگ، لوگِ تها وشّی و وژدلی کار ایت.
زهگ، اللهِ هما جوانیں نعمت اِنت کہ ایشی قدرا هما مردم زانت کہ آ چرے نعمتا حاوندا چہ وتی حکمتاں بے نصیب کتگ.
زهگِ اولی مکتب خانه بزاں ادب و زانتِ یاد گرگِ جاگہ لوگ انت. اگاں زهگ چہ لوگا پہ جوانیں وڑے ادب و تربیت دیگ بہ بیت گڑا مکتب خانه و دربرجاهاں هرچیزا جلدی پہ جوانیں وڑے یاد گپت کنت.
زهگ بانداتِ مانزمان اَنت. بزاں بانداتِ سمبالوک همے زهگ اَنت کہ مرچی گوانزگا یا ماتِ کُٹّا پہ یک لیلوے راضیگ بیت.
گڑا باید همیش اِنت زهگا پہ بانداتا جوانیں سر و سوج دیگ ببیت و چہ نشہ و دگہ سلکاریاں دور دارگ ببیت.
زالبول هم مردیں آدمِ زندِ یک جوانیں همراه و همسفرے.
زالبول هم زندِ هرچ پڑا چو مردیں آدما وتی زمہ واریاں پیلو کنت.
زالبول هچ پڑا چہ مردیں آدماں کمتر نہنت. پہ اے حبرِ ثابت کنگا ما را دیر روَگ نلوٹیت. دهلی جنگا بانڑی گوں شِپیں درّاں جنگِ پڑ ا گون اَت.
پمشکہ زالبولانی کِرد هم ڈالچار کنگ مبنت. البتے دینی شرط و شرایط لحاظ کنگ لوٹ اَنت کہ الحمدالله بلوچِ دود و ربیدگ گوں دینا همگرنچ اِنت.