په سنیآنلائنِ هالکاریا، شیخالاسلام مولانا عبدالحمیدا مں یک بهرے چه جمعهیِ (26 آبان 96/ 28 صفر) گپاں گوشت: چه بلاه ؤ مصیبتے که گوستگیں هفتگا مئی همملکیانی سرا مں ملکِ رونندی نېمگا پېش یهت، بےسُدّ مبئیں، بلکېں باید په آیانی کمکا جهد بکنېں.
واجها گېش کرت: کرمانشاهِ زمینچنڈ سک ترند بوتگ، صداں روستا ؤ مېتگ نابود بوتگ، جانی تلفاتِ هں سک باز بوتگ ؤ بلکیں هزاراں نفرا برسیت. چه اِے زمینچنڈا بازېنے ٹپی اَنت ؤ په خونا محتاج اَنت، بازېں مردمے بےجاه ؤ سرپناه اَنت ؤ گۏں زمستانِ بنگېج بوگا ضروری اِنت که زودتر آیانی حالچونی بیت.
مولانا عبدالحمیدا دولتِ نېمگا دېم کت ؤ گوشتی: چه دولتا دزبندی اِنت که گېشتر په اِے مردمانی نېمگا دلگۏش بکنت، بلے هما پیم که گوشگ بوت، اِے زمینچنڈِ تاوان ؤ نقصان سک باز بوتگ، باید ما هں وتی اسلامی ذمهواری سرا عمل بکنین ؤ آیانا کمک بکنېں.
واجها دېمترا گوشت: اِے مردمانے که زلزله تها تاوانش دیستگ، اِشانی کمک «جهاد» اِنت، آ که گۏں اِشاں همدردی کننت ؤ آیانا کمک کننت، الله پاک آیانا چه آفت ؤ بلاهان بچّېنیت.
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (17 فروردین 1403/ 5 آپریل 2024) «استان ءُ ملک ءِ…
اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر مھرنگ ءَ ماں چاگردی رسانکدر…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (22 دیماه 1402/ 12 جنوری 2024) گۆں اشاره به زرباری…