واجه مولانا عبدالحمیدِ جمعه‌یِ نماز‌ِ گپ

➖دین اسلام که آخری دین ؤ کامل‌تر ؤ محبوب‌ترېں آسمانی دین اِنت، الله پاکِ ٹوه‌ترېں نعمت اِنت . الله پاکا اِے دین په انسانانی سعادت ؤ نگبهتیا دیم داتگ.
➖قرآن مجید یک بے مٹّېں کتابے ؤ تمامیں آسمانی کتابانی خوبی ؤ جوانی وتی تها جاه داتگنت.
➖رمضانِ مبارکېں ماه، قرآنِ بهارگاه اِنت ؤ اِے ماها قرآن برکاتِ گېشتر نازل بنت. رمضانا وتی برکت چه قرآنا دستا یارتگ، هما پیم که الله تعالی گوشیت: «شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ»؛ قرآن هدایتِ‌ کتاب اِنت که تچکېں راها په انسان پېش داریت. قرآن حقّا شه باطلا جتا کنت.
➖رمضان مبارکِ رۏچگِ دارگ قرآن شگرِ اداکنگ اِنت ؤ آمودگی ئے په قرآن سرِ عمل کنگا.
➖رمضانِ رۏچگ آ فاصله‌اِے را که مئیگ ؤ قرآن ؤ رسول‌الله صلی‌الله‌علیه‌وسلمءِ درمیانا هست، آئی را زیان کنت.
➖اگر سیل کنگ بیت،‌ زانگ بیت که تمامېں آسمانی کتاباں یک مناسبتے گۏں رۏچگا بوتگ، هما پیم که حضرت موسی علیه‌السلام هں حکم کنگ بوت که 40 رۏچ پېسر چه توراتِ نازل بوگا رۏچگ بداریت.
➖قرآن مجید خداءِ ٹوه ترېں رحمت اِنت که چه مئی دنیائی زندگیا باز گران‌قیمت‌تر اِنت.
➖باید تمامېں مردم قرآن مجیدا یاد بگرنت. قرآن مجید روخوانی ؤ تجوید باید مسیتّانی تها درس دیگ بیت.
➖ما گرداں باید په قرآن مجیدِ‌ شنگ ؤ نشر کنگا جهد بکنیں، پچے قرآن آفت ؤ فتنه‌یانی دېما گریت.