شیخالاسلام مولانا عبدالحمیدا مَں زاهدانءِ جمعهءِ نمازءِ گپاں (2 مهر1395/ 23ستمبر2016) ئا چه اهلسنتءِ نمازوانگءِ دیمگیری ماں لهتے شهراں، گلّه کرت و اِشی یک اهانت و وتسریں کارے زانت که گوں ملکءِ قانونا هں ضدّ اِنت.
زاهدانءِ جمعهءِ پیشنمازا گوں اشاره په ایرانءِ رهبرءِ گوستگیں هپتگءِ گپاں که اهلسنتءِ عقیده و باورانی بدگوشگی «انگریزی شیعیانی» کار زانتگت، گوشتی: گوستگیں هپتگا ملکءِ رهبرا باز جوانین و گرانکیمتیں گپ جت که مُلک و دَرملکا خوبیں اثر اِیرش کرت و ایرانءِ بازیں مردمے چه اِے گپاں گَل بوتنت.
واجهئا گوشت: رهشونا ماں وتی گپاں اهلسنتءِ بزرگانی بدگوشگ امامانی سیرتءِ خلاف و انگریزی شیعیانی کار زانتگ، ما هں گوشیں شیعه و دگه اسلامی گروهانی بزرگانا بدگوشگ «انگریزی سنییانی» کار اِنت. رهشونءِ گپءِ معنا اِشنت آ که مقدساتا بدگوشنت انگریز و امریکهءِ سیاستانی پدا اَنت که لوٹنت مسلمانانی درمیانا جنگ و اختلاف بیار اَنت.
شیخالاسلام مولانا عبدالحمیدا «نمازءِ دیمگرگ» یک نمونهاِے چه اهانتا و بدگوشگا زانت و گوشتی: غیر چه بزرگانی بدگوشگا، دگه اهانت هں هست که باید شیعه و سنی چه آیاں دوری بکننت. شیعه و سنیءِ نمازا کلاگ زورگ و یا نمازءِ دیم گرگ مں لهتے جاهاں اِے هں وتی جاها په نماز وانوکاں اهانت اَنت.
واجهئا نمازءِ دیمگرگ هں چه امامانی سیرتءِ خلافا زانت و گوشتی: هیچ جاهے چه امامانی سیرتا نیهتگ که په نمازوانگا آیاں تنکنظری کرتگ. پیگمبرءِ سیرت و همےپیم اهلبیتءِ امام و دگه بزرگانی عادت همے بوتگ که مردمش په دینی و عبادتی دیواناں آزات اِشتگنت.
دارالعلوم زاهدانءِ مدیرا گوں اِے گپءِ درشاں کنگا که «نماز یک نیکیں کارے و ایرانءِ بنیادی قانونا همے یهتگ که هر دین و مذهب والایے توانت وتی عقیده و فقهءِ مطابقا اللهئا عبادت بکنت»، گوشتی: من آیاں که نماز وانگءِ دیما گرنت گوشاں که آیانی اِے کار دینداری و بزرگانی راه، خاصکار رهشونءِ گپانی خلافا اِنت. ملکءِ رهشون اهلسنت بےحرمتیا هچ نمنّیت. گڑا نباید یکے نماز دیما گریت.
زاهدانءِ جمعهءِ پیشنمازا گوشت: اِے دابیں کار تپاکیا ضربه جننت و په ترندرواں وراکے بنت. مرچگیں براتی و تپاکی مئی پهکانی ضرورت اِنت. ما همک وهدا وتی توانا ترندرویءِ دیما اوشتاتگیں و چه کارمستراں هں لوٹیں که اِے ترندورانے که نمازءِ دیما گرنت اِشانی دیما بگرنت.
نازانتیءِ دیمگیری مزنتریں جهاد اِنت
مولانا عبدالحمیدا دیما استان سیستانوبلوچستانءِ آموزشوپرورشءِ مدیر و آئیءِ همراه که دیوانا حاضر اِتنت وشآتک کرتنت و تعلیم و زانتءِ اهمیتا گوشتی: تعلیم په هر راج و قوما ضروری اِنت. هرچے انساناں تاریخءِ دراجیا دستا آرتگ، علم و زانتءِ برکت بوتگ. بے علم و زانتا انسان وتی آ اصلی جاه و مراداں نرسنت.
واجها دیما گیش کرت: علم و زانت په هر راج ءِ دیمروی و ترقی و وشنامیا اثر ایر کنت. ملت و راج چه علم و زانتءِ طریقا تواننت ترقیءِ بُرزیں جاهاں دستا بیار اَنت. باید تمامیں مردم په وتی زهگانی تعلیم و تربیتا اهمیت دینت.
مولانا عبدالحمیدا جهل و نازانتیءِ دیمگیری «ٹوه تریں جهاد» زانت و گوشتی: بےسواتی په انساناں ٹوهتریں بیم اِنت. و جهل و بےسواتیءِ دیمگرگ ٹوهتریں جهاد اِنت. بے سواتیءِ دیمگرگ تهنا آموزش و پرورشءِ کار نهنت، بلکیں تمامیں مردم، پِسّ و ماس، ملکءِ کماش، عالم و زانتکار باید پهکاں کمک کننت.
تحصیلی آمارانی جهلآیگ ماں استانا مزنیں خطرهاِے
مولانا عبدالحمیدا علمءِدربرگ/ تحصیلی آمارانی جَهل آیگ، مزنیں خطرهاِے زانت و گوشتی: آ زهگ که وانگا ویل دینت، دیما په لوگ و چاگردا مشکلات جوڑ کننت. پِسّ و ماساں باید گوں آ مدرسهیاں که زهگش درس واننت، رابطه ببیت و وتی زهگانی وانگءِ هالا بگرنت.
واجهئا دیما په سیستانوبلوچستانءِ وانگ و تحصیلءِ سُست بیگا اشاره کرت و گوشتی: سیستانوبلوچستانا وانگ و تحصیلءِ آمار جهل اَنت و تهنا آموزش و پرورش نتوانت اِے مشکلا حل بکنت، بلکیں پهکاں باید هور بنت و اِے مشکلا حل کننت.
واجهئا گڈسرا گوشت: بازیں مدرسهاِے 30، 40 سالا پیشیگ اَنت که کوهن بوتگنت و باید تعمیر و نوک کنگ بنت. ما باید گوں آموزش و پرورشا آ جاهاں که کلاسءِ کمّی اِنت همکاری کنیں و وتی هالگیں لوگاں آیانی تهبیلا دئیں یا که گس په آواں کریه کنیں. آجاهاں که هچ دگه جاهے نے اگه زانتدربر/دانشآموز بتواننت مسیتءِ آدابا رعایت بکننت تونیں مسیتاں هں په تعلیم و آموزشا استفاده و کارمرز کنیں.
علیرضا کمیلی، حکومتی ئێں شۆهازگر ءَ ماں سیستان ءِ بلوچستان ءِ دێمروی ءِ دێمگیریانی دیوان ءَ گۆں اشاره به زاهدان…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (21 اردیبهشت 1402/ 10 مای 2024) گۆں اێشی بیان ءَ…
مولانا عبدالصمد ساداتی ماں سراوان ءِ نماز جمعه ءِ دیوان ءَ گۆں اشاره به ملک ءِ وزارت ءِ ٹوهێں هرچاں…
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…