شیخالاسلام مولانا عبدالحمیدا ماں نامهاے که په ملک سلمان نبشتگ چه آئیءِ لوٹتگ په ایرانی حاجیانی حج روگا جهد بکنت و ایرانی حاجیانی نبیگ ماں حجءَ په امت اسلامیءِ خیر و صلاحا نه اِنت.
په سنیآنلاینءِ هالکاریا نقل چه زاهدانءِ پیشنمازءِ سایتا، واجه مولانا عبدالحمیدا ماں یک بهرے چه وتی نامهءَ نبشتگ: ایرانءِ مردماں زمانگی دود و تمدنءِ واهند اَنت، حجءِ موسما هچبر دگه حاجیانی مزاحم نبنت و گوں حجءِ برجم داروکاں همکاری کننت.
واجهءَ گوں اشاره په جهان اسلامءِ نابرابریں هالاتءَ وتی نامهءَ چوش گوشتگ: هنوگیں جاورا که تفرقه و جتایی جهان اسلاما پریات کنت و دژمن لوٹنت آئیا گیش کننت، ایرانی حاجیانی نبیگ ماں حجا په امت اسلامیءِ خیر و صلاحا نه اِنت.
واجها چه ملک سلمانا لوٹتگ: چه شما دزبندی اِنت که په اسلامی تپاکیءِ برجمدارگ و اختلاف و جتائیانی کمکنگا و په دو ملکءِ رابطهءِ وصل کنگ و سفارتجاهانی پچ کنگا، په ایرانی حاجیانءِ حج روگا جهد کنِت.
واجهءَ ماں وتی نامهءَ تاکید کرتگ: گوں اسلامی رهشونانی دورچاری و دلپراهی و گوں اللهءِ مدتا تفرقه و جتاییءِ آس هاموش کنگ بیت و دوستی دژمنیءِ جاها گریت.
واجها وتی نامهءِ گڈسرءَ گوشتگ: اگه ایران و سعودی عرب گوں وت هور بببنت تواننت جهان اسلامءِ بازیں مشکلیا حل کننت.
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (8 اسفند 1404/ 28 فبروری 2026) گۆں اشاره به ملک…
بلوچستان وَ دلبرێجۆکێں پێشامدانی سرڈگار انت ءُ دراجکشێں وھدے بیت که انسانی حقانی لگتمالی، مالی جنجال، بےرۆزگاری ءُ دگه بازێں…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (۱ اسفند ۱۴۰۴/ ۲۰ فبروری ۲۰۲۶) گۆں اشاره به جنگ…
مولانا فضلالرحمان کوهی ماں پشامگ ءِ نمازجمعه ءِ دیوان ءَ (24 بهمن 1404/ 13 فبروری 2026) گۆں اشاره به ملک…
سردار ءِ کردءُکار حکومت قلات ءِ گڈی حاکم میراحمد یارخان وتی نویستگێں کتاب «تاریخ خوانین بلوچ» ءُ 12 اگست 1947…
شیخالاسلام مولانا عبدالحمید، ماں زاهدان ءِ نمازجمعه ءَ دیوان ءَ (24 بهمن 1404/ 13 فبروری 2026) ملک ءِ دیماه ءِ…