مولانا عبدالغفور مرادزهی یکے چه خواشءِ واجه و زانتکاراں رند چه سالانی دینی هزمتءَ پنجشنبه 30 اردیبهشت 1395ءَ ماں زاهدانا وفات بوت.
په سنیآنلاینءِ سایتءِ هالکاریا واجه مولانا عبدالغفور مرادزهی چه خواشءِ تفتانءِ کِرّ و گورءِ دینی جهدکار و اسلامی دعوتگراں رند چه چنت دهه دینی هزمت و جهد، دیم په وتی ابدمانیں جاها رهادگ بوت.
واجه مولانا عبدالغفور مرحوم مُلا غلاممحمدءِ زهگ اَت و ماں سال 1331ءَ چه ماتءَ بیتگت. واجهءِ پت هں چه مزنیں الله والا و قرآنءِ شنگ کنوکاں بوتگ و ملک په ملک ترّتگ و مردمی په اللهءِ بےمَٹی و یکّیءَ دعوت داتگنت.
خدامُرزی مولانا عبدالغفور مرادزهیءَ وتی وانگ و درس ماں پاکستانءِ «بدرالعلوم رحیمیارخان»ءَ دربرتگت و رند چه وانگءِ دربرگا وتی ملکا یهتگت و «رُوپَس» و «تمین»ءِ آبادیاں تفتانءِ نزّیکیءَ دینی و قرآنی جهدی بنگیج کرت و ماں وتی عمرءِ دراجیا همے جهدی دیما برت.
قرآن مجیدءِ تفسیر و ترجمه، فقهی و حدیثی درس و مردمانی ارشاد و تبلیغ چه واجهءِ جهدان اَنت.
واجهءِ جنازهءِ نماز زِی 31 اردیبهشتءَ ماں تَمّیز ءِ دمگا گوں واجه مولانا دینمحمد دُرّکانیءِ پیشنمازیءَ وانگ بوت و رندا هما ملکا هاکءِ تهبیل بوت.
?ایرانءِ اهلسنتءِهالرسانی سایتءِ باسک، وتی دلپدردیا چه اِے واجهءِ وفاتا جار جننت و چه پاکیں اللهءَ لوٹ اَنت که واجها وتی سارتیں رحمتانی چیرا جاه دیات و پُشپداں صبر و اوپارءِ هاٹیگ بدنت. انچوبات
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (26 تیرماه 1405/ 17 جولای 2026)، ایران ءُ امریکه ءِ…
مولانا عبدالرشید شهبخش ماں زابل ءِ نمازجمعه ءِ دیوان ءَ گۆں اشاره به مردمانی رۆزیگی سکیان گوشت: گوستگێں ماهاں ناداری،…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (19 تیرماه 1405/ 10 جولای 2026) گۆں اشاره به جنگ…
مولوی سید عبدالمحسن ساداتی ءَ ماں سراوان ءِ آدێنگ ءِ نمازجمعه ءَ گوشت: یکے شه سالمێں زندمان ءُ چاگرد ءِ…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (12 تیرماه 1405/ 3 جولای 2026)، گۆں اشاره به مردمانی…
مکران ءِ جهمنند پارسی ئێں ٹکّانی پجّیگ ءَ پێش چه میلاد ءِ اولی هزاره ءَ اے دمگ ءَ آتکگ انت،…