شارون؛ صبراءُ شاتيلاءِ قصاب بيراں بوت

آريل شارون ، صبراءُ شاتيلاءِ قصاب كه ماں سال 2006ءَ په مغزي سكتهءِ خاطرءَ تستگءُ بے سار بوتگ أت، رند چه 8سال بے ساري ءُ بيمارستانءِ تخت سرا كپگ، دوشنبه ‍(11ژانويه، 21دي) ماں 25 سالگيءَ بيرانءُ سكٹ بوت.

په فلسطينءِ حال رساني مركز حالكاريءَ نقل چه عبري روچتاك “هاآرتص” ، آريل شارون اسرائيلءِ پيسرتريں نخست وزير كه 8سال پيش گوں سكته مغزيءَ بے سار بوتگ أتءُ ماں بيمارستانءِ تل هاشومر، تل آويوءِ نزيكءَ بستري أت چه بين شت.
شارون چه آ وهد تا هنو نيم سار أتءُ تهنا گوں گلكوس(سرم)ءِ چارينگءَ زندگ أت ، ماں سال 2011ءَ گوں آئيءِ لوگءِ مردماني واهگءَ شارون لوگءَ برگ بوت، بلے چه جاندراهيءَ نشانے نهت.
آريل شارون ماں سپتامبر 1999ءَ رند چه نتانياهوءِ كركشگءَ چه حزبءِ ليكود ءِ رهبريءَ، إے حزبءِ رهبر بوت. شارون ماں سال 2000ءَمسجد الأقصيءَ مان بوت كه همے خاطرءَ بازيں كشتءُ كشارے مسلمانانيءُ رژيم صهيونيستيءِ ميانءَ پيش آتك. همے پيمءَ ماں سپتامبر ءِ سال 2000ءَ په نخست وزيريءَ نام نبيسي كتءُ گوشتي:  اگه من رأيان ءَ بكٹاں گڑا من 100 روچ فلسطينيانءَ پروش ديانءُ إسرائيلءِ جاگاهءَ ماں ملكءِ تها گيشتر برجاه كناں.
ماں فوريهءِ 2001ءَ په نخست وزيريءَ گچين بوت.
شارونءِ نخست وزيريءِ زمانگءَ بازيں فلسطيني رهبرءُ سانڈے چوشكه شيخ احمد ياسينءُ عبدالعزيز زنتيسي شهيد بوت أنت.
لهتے چه شارونءِ مزن تريں ظلمءُ جوراں إشنت:
– “قبيه” ءِ مرماني كشتار ماں سال 1953.
– مصري اسيراني شكنجهءُ كشگ ماں سال 1967.
– حمله په بيروت ماں سالءُ 1982.
– صبراءُ شتيلاءِ مردماني بيران كنگ ماں سال 1982.
– حمله په مسجد الأقصي ماں سال 2000.