سنی آنلاینءِ سایتءِ “بلوچی بهر” بنگیج بوت

پلیں وانوکءُ گندوکانی بازیں لوٹگانی پدءَ په سنی آنلاینءِ بلوچی بهرءِ جوڑکنگءَ آیانی واهگ پوره بوتءُ إے بهر بنگیج بوت.

 

په سنی آنلاینءِ حالکاریءَ بلوچی بهرءِ بنگیجی دیوان یکشنبهءِ صباح(15-دیماه- 1392)ءَ گوں مولانا عبدالحمیدءُ مفتی قاسمءُ دگه چنت نفر چه دارالعلومءِ مزنیں استادانی آیگءَ برجمم دارگ بوت.

اولسرءَ یکے چه سنی انلاینءِ باسکاں، بلوچی بهرءِ وڑوڑیں قسمتءُ لینکانی پجارینتءُ په دیوانءِ باسکاں پیش داشت که دیوانءِ نندوکاں وتی وشحالی إش درشاں کت.

واجه شیخ الاسلامءَ گوں وتی وشحالیءُ قدردانیءِ درشاں کنگءَ إے چیزی بیان کت که الله تعالیءَ گوستگیں نبی یاں په آیانی قومءِ زبان دیم داتگ. واجهءَ پرمائینت: ماں سنی آنلاینءِ بلوچی بهرءَ اسلامی دودءُ ربیدگءُ معارف په کسانے که گوں إے زبانءَ گپ جن أنت شنگ کنگ ببنت.

سنی آنلاینءِ بلوچی بهر جهلءِ داتگیں نشانیءِ سرءَ گندگ بیت:

http://www.sunnionline.us/balochi