ایرانشہر(ایرنا+سنی آن لائن) ایرانی بلوچستان کے وسط میں واقع ایرانشہر کے قریب پولیس کی فائرنگ سے ایک پانچ سالہ بچہ شہید ہوچکاہے۔ پولیس نے واقعے کی تصدیق کرتے ہوئے کہا ہے یہ واقعہ پیر دس مئی دوہزار اکیس کو فائرنگ کے تبادلے میں پیش آیاہے۔
ضلع ایرانشہر کے پولیس سربراہ نے سرکاری خبررساں ادارہ (ایرنا) سے گفتگو کرتے ہوئے دعویٰ کیا ہے اینٹی نارکوٹیکس فورس نے پولیس کی مدد سے ایک کار کا تعاقب کیا تھا جس نے پولیس گاڑیوں پر فائرنگ کی تھی، جوابی فائرنگ میں یہ بچہ زخمی ہوا جو اپنے ماں کے ساتھ گاڑی میں بیٹھا ہوا تھا۔ بعد میں پانچ سالہ بچہ نے زخموں کے تاب نہ لاتے ہوئے اسپتال میں دم توڑدیا۔
دریں اثنا، اطلاعات کے مطابق مقامی لوگوں نے واقعے پر احتجاج کیا ہے اور پولیس اہلکاروں نے مظاہرین کو منتشر کرنے کے لیے ہوائی فائرنگ سے کام لیا ہے۔
ایرانشہر سے تعلق رکھنے والے سوشل میڈیا میں سرگرم سماجی کارکن عبید ملک رئیسی نے ٹوئیٹ کیا ہے کہ پانچ سالہ ’میثم ناروئی‘ اپنے والدین کے ساتھ عید کی شاپنگ کے لیے گاؤں سے شہر آیا تھا کہ اس کا خاندان ماتم زدہ ہوگیا۔
سماجی کارکنوں نے ملزمان کی گرفتاری اور ان کے ٹرائل کا مطالبہ کرتے ہوئے عام شہریوں پر فائر کھولنے کے حادثات پر افسوس کا اظہار کیا ہے۔
یاد رہے پولیس ذرائع کے مطابق، اس واقعے سے چند گھنٹے پہلے ایرانشہر نیکشہر اور ایرانشہر خاش کی شاہراہوں پر اینٹی نارکوٹیکس فورسز اور مبینہ منشیات اسمگلرز کے درمیان جھڑپیں پیش آئی ہیں جن میں ایک پولیس اہلکار شہید جبکہ کم از کم پانچ اسمگلرز گرفتار ہوچکے ہیں۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…