زاہدان (سنی آن لائن+عبدالحمید ڈاٹ نیٹ)اہل سنت ایران کی ممتاز دینی و سماجی شخصیت نے بیان دیتے ہوئے مولانا سمیع الحق کے بہیمانہ قتل کی مذمت کرتے ہوئے ان کے تلامذہ، متعلقین اور پاکستان کے علمائے کرام اور اصحاب مدارس سے تعزیت کا اظہار کیا ہے۔
سنی آن لائن اردو کے مطابق، صدر دارالعلوم زاہدان و خطیب اہل سنت کا تعزیتی پیغام ان کی آفیشل ویب سائٹ پر شائع ہوچکاہے جس کا متن درج ذیل ہے:
بسم اللہ الرحمن الرحیم
انا للہ و انا الیہ راجعون
مولانا سمیع الحق کو ایک بزدلانہ حملے میں شہید کرنے کی خبر بندہ اور یہاں کے علمائے کرام اور اہل مدارس کے لیے حزن و الم کا باعث بنا۔
آپ مولانا عبدالحق رحمہمااللہ کے صاحبزادے تھے جو دارالعلوم دیوبند کے فاضل اور دارالعلوم حقانیہ اکوڑہ خٹک کے بانی تھے۔ پاکستانی عوام نے سالہا سال مولانا سمیع الحق کی علمی اور سیاسی خدمات سے فائدہ اٹھایا۔ علمی تبحر و پختگی، میانہ روی اور ظلم کے خلاف آواز اٹھانا اس خیرخواہ و حقانی عالم دین کی خصوصیات میں شامل ہیں۔
امید ہے پاکستان کے سکیورٹی حکام ان نازک حالات کی اہمیت کے پیش نظر جلد از جلد مولانا سمیع الحق کے قاتلوں کا پتہ لگاکر انہیں گرفتار کرکے انہیں عدالت کے سپرد کریں گے تاکہ اس ملک کے اتحاد محفوظ رہے اور مزید بدامنیوں کا راستہ بند ہوجائے۔
بندہ اس حادثے کی پرزور مذمت کرکے پاکستان کے علما و اہل مدارس، مولانا کے تلامذہ و متعلقین، اہل خانہ اور تمام پاکستانیوں سے تعزیت کا اظہار کرتاہے۔
اللہ تعالی نے مولانا سمیع الحق کو شہادت کی موت جو ان کی دلی تمنا بھی تھی، نصیب فرمائی۔ اللہ رب العزت جنت میں ان کے درجات بلند فرمائے اور پس ماندگان کو صبر جمیل اور اجر جزیل عطا فرمائے۔
(مولانا) عبدالحمید
خطیب اہل سنت و صدر دارالعلوم زاہدان
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…