مولانا عبدالحمید سفر حج سے واپس ہوگئے

زاہدان (سنی آن لائن)حج ادائیگی کے بعد شیخ الاسلام مولانا عبدالحمید منگل چار ستمبر کو زاہدان پہنچ گئے۔
خطیب اہل سنت زاہدان کی آفیشل ویب سائٹ کی رپورٹ کے مطابق، مولانا عبدالحمید جمعہ تین اگست دوہزار اٹھارہ کو حج ادا کرنے کے غرض سے زاہدان ایئرپورٹ سے حرمین شریفین تشریف لے گئے تھے۔ چارستمبر کے تین بجے زاہدان پہنچتے ہی ہزاروں افراد نے ان کا استقبال کیا۔
انہوں نے سب سے پہلے جامع مسجد مکی میں عقیدت مندوں کے اجتماع سے مختصر خطاب کیا اور اس کے بعد دعا کرائی۔
مولانا عبدالحمید دارالعلوم زاہدان کے صدر و شیخ الحدیث، اہل سنت کے خطیب، رابطہ عالم اسلامی کی سپریم کونسل کے رکن اور اسلامی فقہ اکیڈمی اور شورائے مدارس اہل سنت سیستان بلوچستان کے صدر ہیں ۔ آپ ایران کی سنی برادری کے سب سے بااثر عالم دین اور سماجی و مذہبی رہ نما سمجھے جاتے ہیں۔