عالم اسلام

ایردوآن کا عفرین پر کنٹرول کا اعلان، ترکی کے پرچم لہرا دیے گئے

ترکی کے صدر رجب طیب ایردوآن نے اعلان کیا ہے کہ ان کی فوج نے شام کے شہر عفرین پر مکمل کنٹرول حاصل کر کے وہاں ترکی کا پرچم بھی لہرا دیا ہے۔
ایردوآن نے اتوار کے روز بتایا کہ عفرین شہر کا مرکز مکمل طور پر کنٹرول میں ہے اور شہر میں ترکی کے پرچم بلند کر دیے گئے ہیں۔
شام میں انسانی حقوق کے نگراں گروپ شامی آبزرویٹری کے مطابق ترکی کی فورسز اپنے ہمنوا شامی گروپوں کے ساتھ اتوار کے روز شمالی شام میں کرد اکثریت والے شہر عفرین میں داخل ہو گئیں۔
آبزرویٹری کے ڈائریکٹر رامی عبدالرحمن نے بتایا ہے کہ اس وقت شہر میں جھڑپیں جاری ہیں۔
شام میں ترکی کی حمایت یافتہ جیشِ حُر کے ترجمان محمد الحمدین کے مطابق اپوزیشن گروپوں سے تعلق رکھنے والے جنگجو اتوار کے روز صبح صادق سے کچھ دیر پہلے عفرین میں داخل ہوئے اور شامی کرد پیپلز پروٹیکشن یونٹس کے جنگجوؤں کے انخلاء کے بعد شہر کے مختلف حصوں پر کنٹرول حاصل کر لیا۔ الحمدین کا کہنا تھا کہ شامی جیشِ حُر کے جنگجوؤں کو ابھی تک کسی مزاحمت کا سامنا نہیں کرنا پڑا۔
ترکی کی فورسز اور اس کو سپورٹ کرنے والی جیشِ حُر کے گروپوں نے علاقے کے زیادہ تر رقبے پر کنٹرول حاصل کرنے کے بعد عفرین شہر کا تین طرف سے محاصرہ کر لیا تھا۔
آبزرویٹری کے مطابق ترکی کے فوجی آپریشن کے نتیجے میں گزشتہ بدھ سے اب تک 2 لاکھ سے زیادہ شہری عفرین چھوڑ کر جا چکے ہیں۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago