بھارت کے کالج میں مسلم طالب علم پر داڑھی نہ رکھنے کے لیے شدید دباؤ ڈالا گیا تاہم طالب علم کی جانب سے دباؤ مسترد کرنے پر اس کے داخلے پر ہی پابندی لگادی گئی۔
برطانوی نشریاتی ادارے کے مطابق بھارتی ریاست مدھیہ پردیش کے ضلع بڑھوانی میں واقع ارہنت ہومیو پیتھک میڈیکل کالج میں مسلمان طالب علم اسد خان زیر تعلیم ہے جس نے بتایا کہ جب اس نے 2013 میں اس کالج میں داخلہ لیا تب داڑھی نہیں رکھی تھی لیکن بعد میں داڑھی رکھی جس پر کالج پرنسپل نے داڑھی کٹوانے کے لیے دبا ڈالا۔
اسد خان کے مطابق کالج پرنسپل ایم کے جین کا داڑھی کٹوانے پر دباؤ مسترد کرنے پر اسے کلاس سے بھی نکالا گیا جس کے بعد بھی داڑھی نہ کٹوانے پر اس کا داخلہ ختم کرکے اس پر پابندی عائد کردی گئی۔
اسد خان نے ضلعی انتظامیہ کو معاملے سے متعلق اپنی شکایت درج کروادی ہے اور انتظامیہ کو پرنسپل سے ہونے والی بات چیت کی ویڈیو اور فون کالز کی ریکارڈنگ ثبوت کے طور پر پیش کردی ہیں۔
دوسری جانب کالج پرنسپل نے طالب علم کے الزامات کو مسترد کرتے ہوئے کہا ہے کہ طالب علم اسد خان نے کالج سے ٹرانسفر لینے کی رخواست کی جس پر اسے ٹرانسفر سرٹیفکیٹ جاری کیا گیا۔ پرنسپل کا کہنا تھا کہ ہمارے کالج میں دیگر طالب علم بھی داڑھی رکھتے ہیں ہم نے کبھی کسی پر داڑھی کٹوانے کے لیے دباؤ نہیں ڈالا۔
ایکسپریس نیوز
مقامی افراد کی تقرری تمام قوموں اور مذاہب کا مشترکہ مطالبہ ہے
ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…
امیر تبلیغی جماعت حضرت مولانا نذرالرحمٰن انتقال کر گئے
قرآن و سیرت کی تدریس کے طریقۂ کار پر تربیتی ورکشاپ کا انعقاد
صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…
حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں