سوئٹزرلینڈ کے شہر زیورخ میں مسلمانوں کی ایک مسجد کے قریب حملے میں تین افراد زخمی ہوگئے ہیں۔
پولیس کا کہنا ہے کہ علاقے میں ایک آپریشن جاری ہے۔ مذکورہ مسجد شہر کے مرکزی سٹیشن کے قریب واقعہ ہے۔
سوئس ذرائع ابلاغ کے مطابق زخمی ہونے والے تین افراد مسجد کے قریب اسغاس نامی ایک چھوٹی سی گلی میں ملے ہیں۔
اب تک یہ معلوم نہیں ہو سکا ہے کہ حملہ آور کون تھا یا اس حملے کی کیا وجوہات ہیں۔ مقامی میڈیا کا کہنا ہے کہ حملہ آور جائے وقوع سے فرار ہو چکا ہے۔
پیر کے روز مقامی وقت کے مطابق شام ساڑھے پانچ بجے ہونے والے اس واقعے میں یہ ثابت نہیں ہو سکا ہے کہ حملہ آور کا نشانہ مسجد ہی تھی۔
مقامی رپورٹس کا کہنا ہے کہ پولیس نے علاقے کو گھیرے میں لیا ہوا ہے اور قریبی عمارتوں میں تلاشی آپریشن جاری ہے۔
سوئٹزرلینڈ کی آبادی کا تقریباً پانچ فیصد حصہ مسلمانوں کا ہے جن میں سے بہت سے لوگ سابقہ یوگوسلاویا سے ہجرت کر کے آئے ہیں۔
2009 میں سوئٹزرلینڈ کی حکومت نے ایک قانون کی منظوری دی تھی جس کے تحت ملک میں مساجد پر نئے مینار بنانے پر پابندی عائد کی گئی تھی۔
بی بی سی اردو
مقامی افراد کی تقرری تمام قوموں اور مذاہب کا مشترکہ مطالبہ ہے
ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…
امیر تبلیغی جماعت حضرت مولانا نذرالرحمٰن انتقال کر گئے
قرآن و سیرت کی تدریس کے طریقۂ کار پر تربیتی ورکشاپ کا انعقاد
صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…
حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں