جموں و کشمیر پر مسلم ممالک کے سفیروں کو بریفنگ

وزیراعظم کے خصوصی مشیر برائے خارجہ امور سید طارق فاطمی نے ہندوستان کے زیر انتظام کشمیر میں بنیادی انسانی حقوق کی خلاف ورزیوں پر اسلامی تعاون کی تنظیم (او آئی سی) کے رکن ممالک کے سفیروں کو بریفنگ دی۔
وزیراعظم کے خصوصی مشیر نے مسلم ممالک کے سفیروں کو جموں و کشمیر میں شہریوں کے قتل اور بنیادی انسانی حقوق کی پامالی پر پاکستان کی تشویش سے آگاہ کیا، جس میں ہندوستان نے نہتے کشمیری عوام کے خلاف طاقت کا بے دریغ استعمال شروع کررکھا ہے۔
او آئی سی کے رکن ممالک کے سفیروں کو بریفنگ دیتے ہوئے سید طارق فاطمی نے او آئی سی کے سیکریٹری جنرل کے حالیہ دورہ پاکستان سے بھی آگاہ کیا، اس دورے میں سیکریٹری جنرل نے ہندوستانی فورسز کی جانب سے جموں و کشمیر کے عوام کے قتل پر اپنی تشویش کا اظہار کیا تھا۔
وزیراعظم نواز شریف اور اقوام متحدہ کے سیکریٹری جنرل کے درمیان ہونے والے خطوط کے تبادلے کا حوالہ دیتے ہوئے طارق فاطمی نے واضح کیا کہ پاکستان مذاکرات اور پرُامن طریقے سے دونوں ممالک کے درمیان موجود تمام تصفیہ طلب معاملات کے حل کا خواہاں ہے، جس میں مسئلہ کشمیر بھی شامل ہے۔
طارق فاطمی کا کہنا تھا کہ اس مشکل وقت میں جموں و کشمیر کے مسلمان اپنے بھائیوں کی جانب دیکھ رہے ہیں۔
انھوں نے زور دیا کہ یکجہتی اور بھائی چارے کا مظاہرہ کرتے ہوئے او آئی سی کے رکن ممالک کو جموں و کشمیر کے مظلوم عوام کیلئے اپنی آواز بلند کرنی چاہیے اور اس میں اہم کردار ادا کرنا چاہیے۔
ان کا مزید کہنا تھا کہ کشمیری عوام کے حق خود ارادیت کے احساس کو یقینی بنانے کیلئے اقوام متحدہ کی سلامتی کونسل کی منظور کردہ قرار دادوں پر عمل درآمد کرتے ہوئے اسے تسلیم کیا جانا چاہیے۔
واضح رہے کہ ہندوستان کے زیر انتظام کشمیر میں حریت پسندوں کے 22 سالہ کمانڈر برہان وانی کی ہلاکت کے بعد سے وادئ کے کئی علاقوں میں کرفیو نافذ ہے اور گھروں سے نکلنے پر پابندی کی وجہ سے مسلسل 43 دن سے معمولات زندگی تاحال مفلوج ہے۔
یاد رہے کہ گذشتہ ماہ 8 جولائی کو حزب المجاہدین کے کمانڈر برہان وانی کی ہلاکت کے بعد کشمیر میں احتجای مظاہروں کا سلسلہ شروع ہوا جبکہ اس دوران مظاہروں اور احتجاج پر ہندوستانی سیکیورٹی فورسز کی فائرنگ سے 70 سے زائد کشمیری ہلاک جبکہ 5 ہزار سے زائد زخمی ہوچکے ہیں۔

ڈان نیوز

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago