زاہدان (سنی آن لائن) ایران کی ممتاز دینی شخصیت شیخ الاسلام مولانا عبدالحمید نے عید الفطر کی آمد سے پہلے ایرانی حکام سے مطالبہ کیا ملک کے کسی بھی علاقے میں سنی شہریوں کی نماز عید پر کوئی پابندی نہیں ہونی چاہیے۔

اہل سنت ایران کی آفیشل ویب سائٹ (sunnionline.us) کے مطابق زاہدان کے خطیب اور ممتاز عالم دین نے جامع مسجد مکی کے ختم قرآن کے موقع پر ہزاروں نمازیوں سے خطاب کے موقع پر کہا: عید الفطر کی آمد کے ساتھ ہی اہل سنت ایران کے لیے کچھ پریشانیاں پیدا ہوجاتی ہیں اور انہیں خوف ہوتاہے کہیں ان کی نماز عید پر پابندی نہ لگ جائے۔
انہوں نے مزیدکہا: اعلی حکام اور ذمہ‌ دار حضرات سے ہمارا مشورہ یہی ہے کہ ہماری نماز عید کے مسئلے پر کوئی قدغن اور رکاوٹ نہیں ہونی چاہیے۔ ہماری مذہبی آزادی اسلامی شریعت اور آئین کے مطابق قانونی ہے اور اس میں کوئی قانونی رکاوٹ نہیں ہے۔
صدر دارالعلوم زاہدان نے انتیس رمضان کی رات میں تراویح میں ختم قرآن کے موقع پر گفتگو کرتے ہوئے کہا: اس میں دو رائے نہیں ہے کہ ایران میں اکثریت اہل تشیع کی ہے اور اہل سنت دوسری بڑی اکثریت ہے۔ شیعہ حضرات کو چاہیے اپنے سنی بھائیوں کو آزاد چھوڑیں تاکہ وہ اپنے نمازخانوں اور گھروں میں بآسانی نماز ادا کریں۔ روس سمیت دیگر سابقہ کمیونسٹ ریاستوں میں اب مذہب پر کوئی قدغن نہیں اور وہاں مسلمان مساجد کے علاوہ سڑکوں اور پارکوں میں بھی نماز ادا کرسکتے ہیں۔ مذہبی آزادی مسلم ریاستوں میں زیادہ یقینی ہونی چاہیے۔
مولانا عبدالحمید نے مزیدکہا: ہم سے برداشت نہیں ہوتی کہ دیگر لوگ ہمارے ملک اور حکام کو طعنہ دیں کہ اپنے اہل سنت بھائیوں کی نماز تک برداشت نہیں کرسکتے اور ان کی اپنی باجماعت نماز پر پابندی لگاتے ہیں۔ اگر اہل تشیع حضرات ہماری مساجد میں نماز ادا کرنا چاہیں ہماری مسجدوں اور حتی کہ گھروں کا دروازہ ان کے لیے ہمیشہ کھلا ہے۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago