کیلیفورنیا (امریکہ) میں کل جس مسجد میں آگ لگ جانے سے نماز جمعہ کا کیلیفورنیا ہتمام سڑک کے کنارے کر نا پڑا تھا اس کی چھان بین شروع کر دی گئی ہے۔
مقامی میڈیا کے اس اندیشے کو بھی ملحوظ خاطر رکھا جا سکتا ہے کہ مسجد پر یہ “فائر بم” پھینکاگیا ہو۔
ایف بی آئی کے لاس اینجلس آفس کے مطابق وفاقی تفتیش کار بھی مقامی پولیس کے ساتھ واقعے کی تحقیقات کر رہے ہیں۔ کوشیلا ٹاؤن میں واقع اسلامک سوسائٹی آف پام اسپرنگز مسجد میں آگ لگنے کے اس واقعے میں بہرا حال کوئی جانی نقصان نہیں ہوا۔ یہ واقعہ کیلیفورنیا میں ہی سان برنارڈینو کے معذورین کے سینٹر پر فائرنگ کے اس واقعے کے دس دن کے اندر پیش آیا ہے جس میں رضوان فاروق اور تاشفین ملک نامی ایک بیاہتا جوڑے نے فائرنگ کرکے 14 لوگوں کو ہلاک اور 22 کو زخمی کردیا تھا۔
خبروں کے مطابق پچھلے برس بھی اس مسجد میں گولیاں چلیں تھیں۔ اتفاق سے اس واقعے میں بھی کوئی جانی نقصان نہیں ہوا تھا۔امریکی آتش نشاں محکمے کے ایک ترجمان کے حوالے سے بتا یا گیا ہے کہ آگ بجھا نے والے جب جائے واقعہ پر پہنچے اس وقت مسجد میں آگ لگی ہوئی تھی اور شعلے بلند ہو رہے تھے ۔ آگ پر کوئی آدھے گھنٹے میں قابو پالیا گیا ۔ ہرچند کہ کوئی ہلاک یا زخمی نہیں ہوا لیکن عمارت کو کتنانقصان پہنچا ہے جس کا ابھی اندازہ نہیں لگایا گیا ۔
بصیرت آن لائن
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…