زاہدان (سنی آن لائن) اہل سنت ایران کی مجلس اسلامی فقہ کا بیسواں اجلاس دارالعلوم زاہدان میں سترہ اور اٹھارہ جنوری (25-26 ربیع الاول) کو منعقد ہوگیا۔
سنی آن لائن کے نامہ نگار کے مطابق مجلس اسلامی فقہ کے ارکان نے اپنے حالیہ اجلاس میں تین مسائل ’صبح صادق‘، ’انشورنس‘ اور بیوی کو ’ ماں بہن‘ خطاب کرنے کے حکم پر مباحثہ کیا۔
دو دن گفتگو و مباحثے کے بعد فیصلہ ہوا علمائے کرام کے اختلاف کے پیش نظر سحری کا اختتام اٹھارہ ڈگری پر اور فجر کی نماز کے وقت کا آغاز پندرہ ڈگری پر ہوجائے، چنانچہ علمائے کرام مختلف علاقوں میں اسی حساب سے سحری واذان فجر کا ٹائم منظم کریں گے۔
اس میٹنگ میں طے ہوا جن علاقوں میں بیوی کو ’ماں بہن‘ خطاب کرنے سے طلاق مراد لی جاتی ہے اس لفظ کے استعمال سے ایک طلاق بائن واقع ہوجائے گی ورنہ کوئی طلاق نہ ہوگی۔ البتہ علمائے کرام لوگوں کو اس لفظ کے استعمال سے منع کریں۔
انشورنس کے مسئلے کے لیے ایک کمیشن بنایاگیا جو علمی انداز میں تحقیقات کرکے اگلے اجلاس میں تحقیقات کا نتیجہ پیش کرے گا۔
یاد رہے مذکورہ میٹنگ میں اکثر ارکان شریک تھے جن کا تعلق ایران کے صوبہ سیستان بلوچستان، خراسان رضوی، خراسان جنوبی اور گلستان سے تھا۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…