ممتاز پاکستانی عالم دین مولانا محمدیوسف رحیم یارخانی دارالعلوم زاہدان میں

شیخ التفسیر مولانا محمدیوسف رحیم یارخانی بدھ چودہ مئی کو دارالعلوم زاہدان پہنچ گئے جہاں جامعہ کے طلبا و اساتذہ نے ان کا پرتباک استقبال کیا۔

پاکستان کی ممتاز علمی اور سیاسی شخصیت نے سب سے پہلے دارالعلوم زاہدان کے مہتمم شیخ الاسلام مولانا عبدالحمید کے دفتر میں حاضر ہوکر مولانا احمدرحمہ اللہ کے انتقال پر تعزیت کا اظہار کیا۔

’سنی آن لائن‘ کے نامہ نگار کے مطابق، ناظم عمومی جمعیت علمائے اسلام پاکستان اور مہتمم جامعہ عثمانیہ گلشن اقبال رحیم یارخان نے اس موقع پر گفتگو کرتے ہوئے کہا: اگرچہ سرحدات نے ایران، پاکستان اور بھارت کو الگ کیا ہے لیکن ان کے علما آپس میں متحد ہیں اور ایک دوسرے کی خوشی غم میں برابر شریک ہیں۔علمائے اسلام کے اتحاد بہت ضروری ہے۔ اس کے علاوہ مسلم امہ کو بھی اتحاد واتفاق کا مظاہرہ کرنا چاہیے۔ اسلام دشمن عناصر اختلافات پیدا کرنا چاہتے ہیں؛ کامیابی کے دعوے کے باوجود الحمدللہ انہیں شکست ہورہی ہے۔

اسلامی نظریاتی کونسل کے سابق رکن اور متعدد دینی وعلمی کتب کے مصنف نے کہا: اگر مسلم اقوام اتحاد کی راہ پر گامزن ہوجائیں تو مستقبل میں خلافت کا نظام قائم ہوگا اور مسلم امہ میں اتحاد پیدا ہوگا۔مسلم ممالک کو اللہ تعالی نے بے شمار دولتیں عطا فرمائی ہے اور پوری دنیا ان کے محتاج ہے۔ لیکن اختلافات نے انہیں ایک دوسرے سے دور رکھاہے۔ اگر مسلم عوام وحکام متحد ہوجائیں تو تمام مسائل حل ہوجائیں گے۔

اپنے خطاب کے آخر میں مولانا محمد یوسف نے جمعیت علمائے اسلام کی طرف سے مولانا احمد رحمہ اللہ کے انتقال پر گہرے غم اور دکھ کا اظہار کرتے ہوئے شیخ الاسلام مولانا عبدالحمید اور جامعہ کے دیگر اساتذہ وطلبا سے ہمدردی و تعزیت کا اظہار کیا۔

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago