Categories: مشرق وسطی

شام: عسکری تصادم، ایک لاکھ شہریوں کی نقل مکانی

شام کے مشرقی صوبے دیر الزور میں آتشیں خانہ جنگی کی وجہ سے ایک لاکھ سے زیادہ شہریوں کو نقل مکانی پر مجبور ہونا پڑا ہے۔

یہ بات انسانی حقوق کے حوالے سے قائم ابزرویٹری نے ہفتے کے روز بتائی گئی ہے۔
لندن میں قائم کی گئی اس آبزرویٹری کا یہ بھی کہنا ہے کہ القاعدہ سے منسلک النصرہ فرنٹ اور اس کی حریف داعش کے درمیان ہونے والے تصادم کے دوان صرف دس دنوں میں 230 عسکریت پسند مارے جا چکے ہیں۔ ان میں 146 النصرہ فرنٹ اور دوسرے اسلام پسند گروپوں سے وابستہ تھے۔
واضح رہے تیل سے مالا مال اس صوبے میں دونوں گروپوں کے درمیان یہ تصادم ماہ اپریل میں شروع ہوا ہے ۔ داعش نے جنوری سے ہی سرگرمیاں شروع کر رکھی تھیں۔ داعش جو کہ بنیادی طور پر القاعدہ کی عراقی شاخ کے طور پر سامنے آئی تھی اعتدال پسند باغیوں کے ساتھ ساتھ النصرہ فرنٹ کا بھی ہدف ہے۔
اس مشترکہ ہدف ہونے کی وجہ سے اسے شام میں حلب اور ادلب کے صوبوں کے بڑے حصے سے نکلنا پڑا ہے۔ تاہم اس نے صوبہ راقا کے دارالحکومت میں اپنی پوزیشن مضبوط کر لی ہے۔ عراق اور شام کو ایک اسلامی مملکت بنانے کیلیے کوشاں داعش کا شروع میں شامی باغیوں نے خیر مقدم کیا تھا۔ لیکن اس کی طرف سے شہریوں کے ساتھ سختی کے باعث اس کے خلاف ردعمل شروع ہو گیا ۔
دریں اثناء شام کے دوسرے اہم شہر حلب میں شہری پانی سے محروم ہو گئے ہیں کیونکہ عسکریت پسندوں نے بشار رجیم اور باغیوں کے زیر قبضہ علاقوں کو پانی کی ترسیل کاٹ دی ہے ۔ پچھلے ماہ باغیوں نے بشار رجیم کے زیر قبضہ علاقے کی بجلی منقطع کر دی تھی آبزر ویٹری کے مطابق یہ پانی النصرہ فرنٹ نے بند کیا ہے۔ واضح رہے حلب کئی حصوں میں بٹا ہوا شہر بن چکا ہے۔

العربیہ ڈاٹ نیٹ

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago