جنوبی کوریا: بحری جہاز کے مسافروں کو بچانے کی کوششیں جاری

جنوبی کوریا میں کوسٹ گارڈ حکام کا کہنا ہے کہ ملک کے جنوب مغربی ساحل کے قریب ایک مسافر بردار بحری جہاز ڈوب رہا ہے جس میں تقریباً 450 سے زیادہ افراد سوار ہیں۔

حکام کے مطابق بحری جہاز سے ہنگامی صورتحال کا سگنل ارسال کیا گیا تھا جس کے بعد امدادی کشتیاں روانہ کی گئي ہیں اور ہیلی کاپٹرز بحری جہاز تک پہنچ گئے ہیں اور مسافروں کو جہاز سے اتارنا شروع کر دیا ہے۔
کوسٹ گارڈ فورسز کے ترجمان نے خبر رساں ادارے ایف پی کو فون پر بتایا کہ ’کشتی میں پانی بھر رہا ہے اور وہ ڈوب رہی ہے۔ ہمارے پاس یہاں كوسٹگارڈ بحری جہاز، تجارتی بحری جہاز ہیں، ہیلی کاپٹرز بھی ہیں اور یہ تمام امدادی کاموں میں لگے ہیں۔‘
حکام نے بتایا ہے کہ اس بحری جہاز پر سوار مسافروں میں زیادہ تر سکنڈری سکول کے طلبہ ہیں۔ ابتدائی اطلاعات میں کہا گیا تھا کہ جہاز پر 350 افراد ہیں۔
سکیورٹی اور پبلک ایڈمنسٹریشن کے نائب وزیر لی گيونگ نے تصدیق کی ہے کہ 110 مسافروں کو بچا لیا گيا ہے۔
امدادی کاموں میں بحریہ، کوسٹ گارڈز کے کل 34 جہاز لگے ہیں جن میں شہری جہاز بھی شامل ہیں۔ اس کے علاوہ 18 ہیلی کاپٹرز بھی وہاں تعینات ہیں۔
جنوبی کوریا کے ٹی وی نیوو چینل وائے ٹی این نے ایک مسافر کے حوالے سے بتایا کہ ’ہم نے ایک زور کی ٹکر کی آواز سنی اور جہاز رک گیا۔ جہاز اس قدر ترچھا ہو رہا ہے کہ ہمیں اپنی سیٹ میں رہنے کے لیے کچھ پکڑ کر بیٹھنا پڑا رہا ہے۔‘
اطلاعات کے مطابق رفتہ رفتہ غرق ہونے والی کشتی نے سمندر میں ساحل سے 20 کلو میٹر دور بيونگپونگ جزائر سے خطرے کا سگنل دیا تھا۔

بی بی سی اردو

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago