Categories: مشرق وسطی

غزہ سے جنوبی اسرائیل کی جانب راکٹوں کی بارش

غزہ کی پٹی سے اسرائیل کے جنوبی علاقے کی جانب بدھ کو بیس راکٹ فائر کیے گئے ہیں۔

العربیہ نے غزہ سے اسرائیل کی جانب اس راکٹ حملے کی اطلاع دی ہے۔
اسرائیلی فوج نے ایک بیان میں اس حملے کی تصدیق کی ہے اور کہا ہے کہ ”اس کے جدید فضائی دفاعی نظام ”آئرن ڈوم”نے ان میں سے تین راکٹوں کو ناکارہ بنا دیا ہے جبکہ دوسرے کھلے علاقوں میں گرے ہیں اور ان سے کوئی جانی نقصان نہیں ہوا”۔غزہ کی جانب سے راکٹ فائر کیے جانے کے بعد جنوبی اسرائیل کے سرحدی علاقے میں الارم بج اٹھے تھے۔
فلسطینی مزاحمتی تنظیم جہاد اسلامی نے اس راکٹ حملے کی ذمے داری قبول کر لی ہے اور کہا ہے کہ اس نے غزہ پر اسرائیلی فضائی حملے میں اپنے تین کارکنوں کی شہادت کے جواب میں راکٹ فائر کیے ہیں۔
امریکی خبررساں ادارے ایسوسی ایٹڈ پریس کے ایک رپورٹر کا کہنا ہے کہ اس نے غزہ شہر کے نواحی جنوبی علاقوں سے ایک درجن سے زیادہ راکٹ فائر ہوتے ہوئے دیکھے ہیں۔وہ اس حملے کے وقت غزہ شہر میں ایک بالکونی میں کھڑا تھا۔
واضح رہے کہ اسرائیل اور غزہ کی حکمراں حماس کے درمیان نومبر 2012ء کے بعد سے جنگ بندی جاری ہے لیکن اس دوران بھی غزہ سے صہیونی ریاست کے جنوبی علاقے کی جانب راکٹ فائرکیے جاتے رہے ہیں اور صہیونی فوج حماس اور دوسری تنظیموں سے تعلق رکھنے والے مجاہدین کو فضائی حملوں میں نشانہ بنا رہی ہے۔
انتہاپسند اسرائیلی وزیراعظم بنجمن نیتن یاہو نے جنوری میں صہیونی ریاست کی جانب راکٹ حملوں میں اضافے پر غزہ کی حکمراں فلسطینی تنظیم حماس کو ”بہت جلد” سبق سکھانے کی دھمکی دی تھی اور کہا تھا کہ”ہم دہشت گردی کے حملوں کو ان کا پتا چلتے ہی روکیں گے اور جو کوئی بھی ہمیں نقصان پہنچائے گا،ہم اس کو طاقت سے جواب دیں گے”۔

العربیہ ڈاٹ نیٹ

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago