Categories: مشرق وسطی

مسجد اقصیٰ کو شہید کیے جانے کی گھناؤنی صہیونی سازش کا انکشاف

اسرائیلی میڈیا نے انتہا پسند یہودیوں کی جانب سے مسلمانوں کے قبلہ اول [مسجد اقصیٰ] کو شہید کرنے کی ایک خطرناک سازش کا پتہ چلایا ہے۔

اسرائیل کے عبرانی ٹی وی 10 نے ایک رپورٹ نشر کی ہے جس میں بتایا گیا ہے کہ انتہا پسند یہودی آبادکار ساحل سمندر سے”ہیکل سلیمانی” کے لیے پتھر جمع کر رہے ہیں۔ اس کے علاوہ انہوں نے ہیکل کا سنگ بنیاد رکھتے وقت بھیڑ بکریوں کی قربانی کے لیے بڑی تعداد میں بکریاں اور بھیڑیں بھی اکٹھی کرنا شروع کردی ہیں۔

ٹی وی رپورٹ میں انتہا پسند یہودیوں کی جانب سے مسجد اقصیٰ کے جاری کردہ نئے نقشے بھیی دکھائے گئے ہیں۔ کئی شکلوں پر مشتمل ان نقشوں میں مسجد اقصیٰ کا کوئی وجود نہیں لیکن اس کی جگہ مزعومہ ہیکل سلیمانی کو دکھایا گیا ہے۔ ان نقشوں کو جاری کرنےکا مقصد یہ ثابت کرنا ہے کہ یہودی اپنے طورپر مسجد اقصیٰ کو شہید کر کے اس کی جگہ ہیکل سلیمانی کی تعمیر کی مکمل منصوبہ بندی کر چکے ہیں۔

رپورٹ میں متعدد یہودی آباد کاروں کو ساحل سمندر پر پتھر جمع کرتے دکھایا گیا ہے۔ جو سمندری پانی سے ان پتھروں کو دھو کر ایک جگہ جمع کر رہے ہیں۔ اس کے علاہ یہودی آباد کار بھیڑ بکریاں بھی جمع کر رہے ہیں۔ ان کا دعویٰ ہے کہ وہ جلد ہی مسجد اقصیٰ کو شہید کر کے اس کی جگہ تیسرے ہیکل سلیمانی کی تعمیر کر سکیں گے۔

اسی رپورٹ میں ایک فوجی کرنل کا بیان بھی شامل کیا گیا ہے جس میں اس کا کہنا ہے کہ مسجد اقصیٰ کے حوالے سے یہودیوں میں جو کچھ ہو رہا ہے وہ عالمی جنگ کا باعث بن سکتا ہے۔

درایں اثناء فلسطینی وزیر برائے مذہبی امور ڈاکٹراسماعیل رضوان نے مسجد اقصیٰ کے خلاف صہیونیوں کی ناپاک سازش اور بیت المقدس کو یہودیانے کی سرگرمیوں کی شدید الفاظ میں مذمت کی ہے۔ ان کا کہنا ہے کہ مسلمانوں کے قبلہ اول کو کسی بھی قسم کا نقصان پہنچا تو اس کی تمام تر ذمہ داری صہیونی ریاست پرعائد ہو گی۔

فلسطینی وزیر کا کہنا تھا کہ قبلہ اول کو شہید کیے جانے سے متعلق اسرائیلی ٹی وی پر نشر رپورٹ نہایت خطرناک ہے۔ یہودی آباد کاروں کی جانب سے ہیکل سلیمانی کے لیے ساحل سے پتھر جمع کرنا اور قربانی کے لیے بھیڑ بکریوں کی تیاری اس بات کی غمازی کرتی ہے کہ اسرائیلی کسی پاناک اور گھناؤنی سازش کی منصوبہ بندی کر رہے ہیں۔

ڈاکٹر اسماعیل رضوان نے کہا کہ مسجد اقصیٰ کو شہید کیے جانے کی سازشیں پہلی مرتبہ سامنے نہیں آئی ہیں بلکہ یہ ماضی میں بھی سامنے آتی رہی ہیں۔عتصیون یہودی فرقے ہی کے ایک انتہا پسند مسجد اقصیٰ کو بم دھماکے سے اڑانے  کی ناپاک سازش تیار کی تھی لیکن وہ اس میں بری طرح ناکام رہا تھا۔

مرکز اطلاعات فلسطین

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago