Categories: پاکستان

چارسدہ میں پولیس وین کےقریب دھماکےسے 7افراد جاں بحق

سرڈھیری بازار میں پولیس موبائل کے قریب بم دھماکے کے نتیجے میں 6 پولیس اہلکاروں سمیت 7 افراد جاں بحق اور 2اہلکاروں سمیت 9 افراد زخمی ہو گئے۔

ایکسپریس نیوز کے مطابق ڈی پی او چار سدہ کا کہنا تھا کہ پولیس اہلکار پولیو ورکرز کی سیکیورٹی کے لئے جا رہے تھے کہ نواحی علاقے سرڈھیری بازار میں پولیس موبائل کے قریب دھماکےکے نتیجے میں 6 اہلکاراور ایک بچہ جاں بحق ہو گئے، جاں بحق ہونے والا بچہ اسکول جا رہا تھا، دھماکے کے نتیجے میں 2 پولیس اہلکاروں سمیت 9 افراد زخمی بھی ہوئے اور پولیس موبائل کو بھی شدید نقصان پہنچا۔ ڈی پی او کا کہنا تھا کہ ابتدائی معلومات کے مطابق دھماکہ خیز مواد ایک سائیکل میں نصب کیا گیا تھا اور جیسے ہی پولیس موبائل سائیکل کے قریب سے گزری تو ایک روز دار دھماکہ ہو گیا۔
دھماکے میں جاں بحق اور زخمی ہونے والوں کو فوری طور پر ڈسٹرکٹ ہیڈ کوارٹر اسپتال چارسدہ منتقل کر دیا گیا ہے جبکہ پولیس کی بھاری نفری کو طلب کر کے علاقے کا محاصرہ کر لیا گیا ہے اور بم ڈسپوزل اسکواڈ کا عملہ بھی جائے وقوعہ پر پہنچ چکا ہے۔ دھماکے میں جاں بحق ہونے والے پولیس اہلکاروں کی شناخت اعظم، اکرم گل، وصال، خواجہ محمد، گلشاد اور کاشف کے ناموں سے ہوئی ہے۔

ایکسپریس نیوز

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago