Categories: پاکستان

راولپنڈی: فوجی ہیڈکوارٹرز کے قریب بم حملہ، نو افراد ہلاک

پاکستانی فوج کے صدر دفتر کے قریب واقع آر اے بازار میں ہونے والے بم حملے میں کم از کم نو افراد کی ہلاکت کا بتایا گیا ہے۔ پولیس نے خدشہ ظاہر کیا ہے کہ یہ خود کش حملہ ہو سکتا ہے۔

راولپنڈی چھاؤنی کے انتہائی حساس علاقے سے گزرنے والا آر اے بازار فوج کے ہیڈکوارٹر (GHQ) کے علاوہ اُس ہسپتال کے بھی قریب ہے، جہاں سابق فوجی صدر جنرل پرویز مشرف داخل ہیں۔ مشرف آرمڈ فورسز انسٹیٹیوٹ آف کارڈیالوجی میں زیر علاج ہیں۔ اس بم حملے میں ہلاک شدگان کی تعداد سردست نو بتائی گئی ہے جبکہ زخمی اٹھارہ ہیں۔ یہ حملہ اُس واقعے کے ایک دن بعد کیا گیا ہے، جس میں فوج کے کم از کم بیس اہلکار ہلاک ہوئے تھے۔ بنوں میں کیے گئے حملے کی ذمہ داری طالبان نے قبول کرنے کا اعلان کر دیا ہے۔ دھماکے کے مقام سے نعشوں اور زخمیوں کو مقامی ہسپتال پہنچا دیا گیا ہے۔ زیادہ تر زخمی سکیورٹی اداروں کا سویلین اسٹاف اور اسکولوں کے بچے بتائے گئے ہیں۔
آر اے بازار میں ہونے والے دھماکے میں ہلاک ہونے والوں کی تعداد میں اضافے کا خدشہ ظاہر کیا گیا ہے کیونکہ بعض زخمیوں کی حالت انتہائی نازک ہے۔ دھماکے کے مقام کے ارد گرد کے سارے علاقے کو سکیورٹی اہلکاروں نے گھیرے میں لے کر مشتبہ افراد کی تلاش شروع کر دی ہے۔ مقامی پولیس کے افسر عمر سہیل کے مطابق اس حوالے سے بھی تفتیش کی جاری ہے کہ آیا یہ خودکش حملہ ہے۔ عمر سہیل کے مطابق ایسا امکان ہے کہ موٹر سائیکل پر سوار خود کُش بمبار نے گزرتے ہوئے خود کو اڑا لیا تھا۔
پیر کے حملے کو فوجی تفتیش کار بھی ایک خود کش حملہ خیال کر رہے ہیں۔ نیوز ایجنسی اے ایف پی سے بات کرتے ہوئے ایک فوجی اہلکار کا کہنا ہے کہ بظاہر یہ ایک خود کش حملہ محسوس ہوتا ہے۔ آر اے بازار کے قرب و جوار میں فوجی دفاتر موجود ہیں لیکن یہاں روزمرہ اشیاء کا بہت بڑا بازار بھی ہے۔ اس بازار کے ایک رہائشی اسد ملک نے نیوز ایجنسی اے ایف پی کو بتایا کہ دھماکا اتنا زوردار تھا کہ گھروں اور دوسری عمارتوں کے شیشے ٹوٹ گئے۔ ایک اور رہائشی کے مطابق دھماکے کے بعد سارے علاقے میں افراتفری پھیل جانے سے خوف و ہراس کی فضا قائم ہو گئی ہے۔
پاکستان کے صدر ممنون حسین اور وزیراعظم نواز شریف نے اس بم حملے کی مذمت کی ہے۔

ڈی ڈبلیو

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago