ایران: اسلامی فقہ اکیڈمی کا انیسواں اجلاس منعقد ہوگیا

زاہدان(سنی آن لائن)ایرانی اہل سنت کی ’اسلامی فقہ اکیڈمی‘ کا انیسواں اجلاس جامعہ دارالعلوم زاہدان کے احاطے میں اٹھائیس اور انتیس دسمبر دوہزار تیرہ کو منعقد ہوگیا۔

اجلاس کے افتتاح کے موقع پر خطاب کرتے ہوئے مہتمم دارالعلوم زاہدان مولانا عبدالحمید نے تمام علمائے کرام کو خوش آمدید کہا۔ انہوں نے علما وفقہا کی انتہک کوششوں کو سراہتے ہوئے کہا: عوام کے شرعی مسائل کا جائز حل نکالنا علمائے کرام کی اہم ذمہ داری ہے۔ کسی بھی معاشرے میں معیشت اور بینکنگ کی اہمیت کو نظرانداز نہیں کیاجاسکتا؛ اسی لیے علمائے کرام کوشش کریں نئی دنیا کے حالات کو مدنظر رکھتے ہوئے مسلمانوں کے مسائل حل کریں۔

ایران کے سیستان بلوچستان، خراسان جنوبی، خراسان رضوی، ہرمزگان، فارس اور گلستان صوبوں سے تعلق رکھنے والے حنفی وشافعی علمائے کرام نے دو دن تک ’قتل خطا کی صورت میں تعدد کفارات‘، ’مکانات کا کرایہ ونقد رہن‘ اور ’رویت ہلال‘ کے مسائل پر اپنے مقالات پیش کرتے ہوئے ان مسائل پر تفصیلی بحث کی۔

ہمارے نامہ نگار کے مطابق صدر دارالافتا دارالعلوم زاہدان مولانا مفتی محمدقاسم قاسمی کی تجویز پر اہل سنت ایران کی ایک مستقل رویت ہلال کمیٹی قائم کی جائے گی جس کے شعبے مختلف سنی اکثریت علاقوں میں ہوں گے۔ اس کمیٹی کی تشکیل ، ڈھانچہ اور ذمہ داریوں کے بارے میں اسلامی فقہ اکیڈمی کے آٹھ سینئر ارکان نے مفتی عبدالحلیم قاضی کی سربراہی میںاپنی تجاویز پیش کی جو اسلامی فقہ اکیڈمی کی طرف سے منظور ہوگئیں۔ مفتی قاضی ماہرفلکیات اور دارالعلوم زاہدان کے استاذ الحدیث والفقہ ہیں۔

اسلامی فقہ اکیڈمی کا انیسواں اجلاس اتوار انتیس دسمبر دوہزار تیرہ کی رات کو شیخ الاسلام مولانا عبدالحمید کے خطاب اور دعا سے اختتام پذیر ہوگیا۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago