Categories: پاکستان

پرویز مشرف کے خلاف غداری کے مقدمے کی سماعت

پاکستان کے سابق فوجی صدر جنرل ریٹائرڈ پرویز مشرف کے خلاف غداری کے مقدمے کی سماعت بدھ کی صبح جاری ہے جب کہ وہ خود سکیورٹی خدشات کے باعث عدالت میں پیش نہیں ہوئے ہیں

سرکاری ٹی وی چینل کے مطابق پرویز مشرف کے وکیل نے بطور حفاظتی تدبیر عدالت میں پرویز مشرف کی خود حاضری سے استثنیٰ کے لیے درخواست جمع کروائی ہے۔
یاد رہے کہ سابق فوجی صدر کے خلاف آئین توڑنے کے الزام میں غداری کے مقدمے کی سماعت کرنے والی خصوصی عدالت نے یکم جنوری کو ان پر فردِ جرم عائد کرنے کا حکم دیا تھا۔
وفاقی حکومت نے پرویز مشرف کے خلاف آئین توڑنے اور تین نومبر سنہ 2007 کو ملک میں ایمرجنسی لگانے پر غداری کا مقدمہ شروع کرنے کی استدعا کی تھی۔ پاکستانی آئین کی دفعہ چھ کی خلاف ورزی کرنے کی سزا موت اور عمر قید ہے۔
بدھ کی صبح جاری سماعت کے دوران خصوصی عدالت کے بینچ کے سربراہ نے کہا کہ عدالت پرویز مشرف کے خلاف گرفتاری کے وارنٹ اس لیے جاری نہیں کر رہی کیونکہ وہ ملک کے سابق صدر اور فوجی سربراہ رہے ہیں۔ عدالت کا کہنا تھا کہ ہم نہیں چاہتے کہ کسی کو شرمندگی ہو۔
گرفتاری کے وارنٹ جاری ہونے کے بارے میں پرویز مشرف کے وکیل کا کہنا تھا کہ اس عدالت کو ان کے موکل کے خلاف گرفتاری کے وارنٹ جاری کرنے کا اختیار نہیں ہے کیونکہ یہ ایک خصوصی عدالت ہے، آئینی عدالت نہیں
پرویز مشرف کے وکیل کا سکیورٹی کے حوالے سے کہنا تھا کہ اگر ان کے موکل کو کچھ ہوا تو اس کی مکمل ذمہ داری عدالت پر عائد ہوگی۔
ڈی آئی جی سکیورٹی نے عدالت کو بتایا کہ وہ سابق صدر کے لیے کیے گئے حفاظتی اقدامات سے مطمئن ہیں۔ انہوں نے عدالت کو بتایا کہ اسلام آباد پولیس کے پاس بلٹ پروف گاڑیاں موجود ہیں جو مشرف کی عدالت آمد و رفت کے لیے استعمال ہو سکتی ہیں تاہم وہ گاڑیاں ’بم پروف‘ نہیں ہیں۔
واضح رہے کہ پاکستان کے دارالحکومت اسلام آباد میں سابق صدر پرویز مشرف کے فارم ہاؤس کے قریب سے گذشتہ ایک ہفتے کے عرصے میں دوسری بار ’ناکارہ بارود‘ کے پیکٹ برآمد ہوئے ہیں۔
ادھر ایک روز قبل ہی پرویز مشرف نے کہا تھا کہ تین نومبر 2007 میں ملک میں ایمرجنسی کا نفاذ اپنے مفاد میں نہیں بلکہ ملکی مفاد میں کیا تھا اور ان کے اس اقدام پر ان کے خلاف صرف فوجی عدالت میں مقدمہ چلایا جا سکتا ہے۔

TRT اردو

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago