ایران: پہلی بار بلوچ خاتون میئر منتخب ہوگئی

زاہدان(سنی آن لائن) ایرانی بلوچستان کے شہر کلات کی شہری کونسل نے ’سامیہ بلوچزہی‘ کو شہر کی میئر منتخب کی ہے۔ یہ ایران کی تاریخ میں پہلی بارہے جب کوئی بلوچ خاتون میئر کے عہدے پر فائز ہوتی ہے۔

ایرانی اہل سنت کی خبررساں ویب سائٹ ”سنی آن لائن“ نے مقامی ویب نیوز ”بلوچ پریس“ کے حوالے سے لکھاہے: سٹی کونسل کے انتخابات کے بعد ضلع سرباز کے صدرمقام ’کلات‘ کے شورا نے بلوچ خاتون سامیہ بلوچزہی کو شہر کی میئر چن لیاہے۔
کونسل کے صدر عطاءاللہ بزرگزادہ نے بلوچ پریس کو بتایاہے شورا کی اکثریت نے سامیہ بلوچزہی کے حق میں ووٹ ڈالی ہے۔ اس انتخاب کے بعد ایران کی تاریخ میں پہلی بار ایک بلوچ تعلیم یافتہ خاتون ایسے اہم عہدے پر فائز ہورہی ہے۔ گورنرسیستان بلوچستان نے بھی اس انتخاب کی تصدیق کے بعد سمری جاری کردی ہے۔

عطاءاللہ بزرگزادہ کے مطابق اس فیصلے کے بعد دیگر تعلیم یافتہ بلوچ خواتین کو حوصلہ ملے گا تا کہ سماج میں مزید کردار ادا کریں۔

نومنتخب میئر نے تہران میں واقع ’شرق‘ اخبار سے گفتگو کرتے ہوئے کہا ہے: کلات شہر کی تعمیر اور نوجوان نسل کیلیے تفریح وتعلیم کے اسباب فراہم کرنا میری اولین ترجیح ہے۔ اس انتخاب کے بعد عام شہریوں سمیت علمائے کرام اور قبائلی عمائدین نے میری حوصلہ افزائی کی ہے۔

یادرہے چھبیس سالہ سامیہ بلوچزہی نے تہران یونیورسٹی کی فیکلٹی برائے صنعتی انجیئرنگ میں ایم اے کیاہے۔ دوران تعلیم ان کا شمار یونیورسٹی کی جید اور چیدہ طالبات میں ہوتاتھا۔

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago