Categories: مشرق وسطی

فلسطین کی آزادی تک شہداء کے راستے پر چلتے رہیں گے: حماس

اسلامی تحریک مزاحمت “حماس” نے اعلان کیا ہے کہ وہ مزاحمت کی حکمت عملی کو اپنائے رکھے گی اور تمام قومی اہداف پورے ہونے تک شہداء کے رستے پر چلتی رہے گی۔

یہ بات الفرقان معرکے کی پانچویں برسی کے موقع پر حماس کی جانب سے جاری کردہ پریس ریلیز میں کی گئی تھی۔ تحریک نے ایک بار پھر قابض اسرائیل کے ساتھ جاری امن مذاکرات کو مسترد کیا اور کہا کہ فلسطینی عوام نے کسی کو بھی اپنی جانب سے مذاکرات کا حق نہیں دیا ہے۔ اسی لئے وہ فلسطینی اتھارٹی اور اسرائیل کے درمیان ہونے والے کسی معاہدے کی پابندی کرنے کے ذمہ دار نہیں۔
حماس کے مطابق، “[الفرقان معرکے کے دوران] دشمن اسرائیل حماس کی زیر قیادت مزاحمت کی ہمت کو توڑنا چاہتا تھا مگر ہمارے لوگوں نے ثابت قدمی کا مظاہرہ کیا۔ ہم قربانیوں کے باوجود اپنی زمین یا مزاحمت کا راستہ نہیں چھوڑیں گے۔
حماس نے کہا کہ، “قابض حکام کی جانب سے غزہ کے مضافات سے فوجیں ہٹانے کی وجہ سے الفرقان معرکہ زمانے میں ایک تاریخ ساز واقعہ کی حیثیت اختیار کرگیا ہے اور اس نے ثابت کیا ہے کہ ہمارے عوام کی مضبوط خواہش اسرائیل کے ٹینکوں، جنگی جہازوں اور بین الاقوامی پابندی کے شکار ہتھیاروں سے زیادہ سخت ہے۔”
اس موقع پر حماس کا یہ بھی کہنا تھا کہ غزہ پر مسلط محاصرے کو سخت کرنے سے مزاحمت کو ختم کرنے یا حماس کو سیاسی طور پر تنہا کرنے کا خواب کبھی بھی پورا نہیں ہوگا۔
حماس کے بیان میں مزید کہا گیا تھا کہ،” تحریک حماس دوسری مزاحمتی طاقتوں کے ساتھ مل کر فلسطینی عوام کو محاصرے کا نشانہ بنانے والوں کو حیرت انگیز سرپرائز دیتی رہے گی اور وقت کے ساتھ یہ ثابت کردے گی کہ وہ عوام اور قوم کے دلوں میں گھر کرگئی ہے اور اس کے دشمن اسے مزاحمت کے راستے سے ہٹانے کے لئے بہت کمزور ہیں۔”

مرکز اطلاعات فلسطین

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago