Categories: مشرق وسطی

مدینہ منورہ اسلامی دنیا کا ثقافتی دارالحکومت قرار

سعودی عرب کے شہر مدینہ منورہ کو اسلامی تعاون تنظیم “او آئی سی” کے ادارہ برائے سائنس، تعلیم و ثقافت “آئسیسکو” نے سال 2013ء کے دوران اسلامی دنیا کا ثقافتی دارالحکومت قرار دیا ہے۔

مدینہ طیبہ کوعالمی ادارے کی جانب سے یہ اعزاز ملنے کے بعد اسلامی ثقافت کے پہلوؤں کو نمایاں کرنے کے لیے آئندہ ہفتے شہر میں ایک بڑے ثقافتی میلے کا اہتمام کیا جا رہا ہے۔ اس میلے میں عالم اسلام سمیت دنیا کے دیگر خطوں سے بھی شائقین کی بڑی تعداد شرکت کرے گی۔
مدینہ منورہ کو اسلامی ثقافت کا دارالحکومت برائے 2013ء قرار دینے میں اسلامی یونیورسٹی مدینہ منورہ کا بھرپور تعاون حاصل رہا ہے۔ اگلے ہفتے منعقد ہونے والے ثقافتی میلے کو یونیورسٹی کی جانب سے” اقوام کی تہذیب وثقافت برائے طلباء جامعہ اسلامیہ” کا عنوان اس لیے دیا گیا ہے کیونکہ یونیورسٹی میں مختلف اقوام کی نمائندگی کرنے والے طلباء کی بڑی تعداد زیور تعلیم کے حصول کے لیے کوشاں ہے۔
رواں اسلامی مہینے [صفر المظفر] کی 15 تاریخ بروز بدھ کو ثقافتی سرگرمیوں کے ضمن میں”مدینہ منورہ بطور اسلامی ثقافت کا دارالحکومت اور عربی زبان کا عالمی دن” کے نام سے ایک علمی اور سائنسی میلے کا انعقاد کیا جائے گا۔ شہر میں ہونے والے میلے کے علاوہ مڈل اور ہائی اسکولوں میں بھی اسی نوعیت کے چھوٹے چھوٹے ثقافتی پروگرامات منعقد کرائے جائیں گے۔
سعودی عرب کی خبر رساں ایجنسی” واس” کے مطابق مدینہ منورہ میں ثقافتی سرگرمیوں کے ضمن میں “سیرت النبی، مدینہ منورہ کی تاریخ اور دیگر موضوعات پر اسلامی یونیورسٹی میں خصوصی لیکچرز کا بھی اہتمام کیا گیا ہے۔ اس کے علاوہ ثقافتی سرگرمیوں میں تین الگ الگ نمائشوں کا اہتمام بھی شامل ہے۔
“نمائش محمد رسول اللہ”، مسجد نبوی کی مغربی سمت میں، نمائش اسماء الحسنیٰ اور ایک نمائش تاریخی جامع مسجد قباء میں بھی پیش کی جائے گی۔ مدینہ منورہ کی ہفتہ ثقافت کی متعلق سرگرمیوں سے متعلق ریڈیو اور ٹیلی ویژن چینلوں پر خصوصی پروگرامات اور رپورٹس بھی نشر کی جائیں گی۔

العربیہ

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago