Categories: پاکستان

ایف سی کے قافلے پر حملہ، تین اہلکار ہلاک

بلوچستان میں فرنٹیئر کور کے حکام کا کہنا ہے کہ پنجگور کے علاقے میں مسلح افراد کے حملے میں تین اہلکار ہلاک ہوگئے ہیں۔

ایف سی کے ترجمان نے بی بی سی اردو کو بتایا کہ یہ حملہ سنیچر کی صبح ساڑھے سات بجے پروم چیک پوسٹ کے قریب ہوا۔
ترجمان کا کہنا تھا کہ مسلح حملہ آوروں نے ایف سی کی ایک گشتی پارٹی کو نشانہ بنایا۔
ان کے مطابق اس حملے میں تین ہلاکتوں کے علاوہ دو اہلکار زخمی بھی ہوئے جنہیں علاج کے لیے ہسپتال منتقل کر دیا گیا ہے۔
ایف سی کے ترجمان کے مطابق حملے کے بعد سکیورٹی اہلکاروں کی جوابی کارروائی میں پانچ حملہ آور بھی مارے گئے ہیں۔
علیحدگی پسند گروپ بلوچ ری پبلکن آرمی نے اس حملے کی ذمہ داری قبول کی ہے اور اس بات سے انکار کیا ہے کہ ایف سی کی جوابی کارروائی میں ان کے پانچ ساتھی مارے گئے۔
خیال رہے کہ پنجگور بلوچستان کے شورش زدہ علاقوں میں شامل ہےاور یہاں بلوچ علیحدگی پسندوں کا خاصا اثر ہے۔
یہاں ماضی میں بھی سکیورٹی اہلکاروں کو نشانہ بنانے کے واقعات پیش آتے رہے ہیں جن میں خاصا جانی نقصان بھی ہوا ہے۔
بلوچستان کا یہ سرحدی ضلع ایک جانب ایران سے جڑا ہوا ہے تو صوبے میں اس کی سرحدیں حال ہی میں زلزلے سے متاثرہ علاقے آواران سے بھی ملتی ہیں۔

بی بی سی اردو

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago