مصر، جمہوریت کے حامیوں کے مظاہرے جاری

مصر میں فوجی قبضے کے بعد جمہوریت کے حامیوں کے مظاہرے جاری ہیں۔

دارالحکومت قاہرہ کے علاقے مادی اور اسکندریہ میں جمہوریت کے حامیوں نے مظاہرے کئے جن میں اخوان المسلمین اور دیگر گروپوں میں سے مزید 12 افراد کو حراست میں لے لیا گیاہے۔
مصر کے اٹارنی جنرل آفس نے مُرسی دور میں صدارتی دفتر کے پریذیڈنٹ آف کونسل محمد رفات التہتاوی کو رہا کرنے کا فیصلہ کیا ہے۔
تاہم اخوان المسلمین کے لیڈروں اور صدارتی دفتر کے حکام میں سے 14 افراد کو مظاہرین کو حملوں کی تحریک دینے کے جُرم میں عدالت کے سامنے پیش کیا گیاہے۔
دوسری طرف مصری فوج 4 دن سے سینا جزیرہ نما میں وسیع پیمانے پر آپریشن کر رہی ہے اور اس دوران اسے دو بم حملوں کا سامنا ہوا ہے۔
غزہ کی سرحد پر واقع شہر رفاح میں فوجی خفیہ خبر رسانی کے مرکز پر بم حملے کے بعد دوسرا دھماکہ مرکز کے قریب واقع چیک پوسٹ پر ہوا جن کے نتجے میں ٤ فوجی ہلاک ہو گئے ہیں۔

TRTاردو