Categories: پاکستان

سنی اتحاد کونسل کے سربراہ انتقال کر گئے

سنی اتحاد کونسل کے سربراہ اور سابق صوبائی وزیر صاحبزادہ فضل کریم مختصر علالت کے بعد انسٹھ برس کی عمر میں انتقال کرگئے ہیں۔
وہ جگر کے عارضے میں مبتلا تھے۔
فضل کریم چار اپریل سے فیصل آباد کے الائیڈ ہسپتال میں زیر علاج تھے اور دو روز قبل وہ کومے میں چلے گئے تھے۔
صاحبزادہ فضل کریم وسطی پنجاب کے علاقے فیصل آباد سے قومی اسمبلی کے حلقہ بیاسی سے امیدوار تھے۔
فضل کریم چار اکتوبر انیس سو چون میں فیصل آباد میں پیدا ہوئے اور اکیس برس کی عمر میں جماعت اہلسنت کے مرکزی سیکرٹری جنرل بنے۔
صاحزادہ فضل کریم جمعیت علماء پاکستان نیازی گروپ کے مرکزی سیکرٹری جنرل رہے اور بعد میں اس کے سربراہ بن گئے۔
فضل کریم قومی اسمبلی کے حلقہ بیاسی سے دو مرتبہ مسلم لیگ نون کی ٹکٹ پر انتخاب لڑ چکے ہیں۔ تاہم اس بار وہ آزاد امیدوار کی حیثیت سے میدان میں تھے۔
صاحبزادہ فضل کریم نے چار برس قبل سنی کونسل اتحاد تشکیل دیا اور وہ اس کے اتحاد سربراہ تھے۔
صاحبزادہ فضل کریم دو مرتبہ پنجاب اور دو بار قومی اسمبلی کے رکن منتخب ہوئے۔وہ شہباز شریف کے پہلے دورے حکومت صوبائی وزیر اوقاف بھی رہ چکے ہیں۔
سنی اتحاد کونسل کے سیکریٹری جنرل قاری حنیف طیب نے چند روز قبل یہ اعلان کیا تھا کہ صاحبزادہ فضل کریم اپنی علالت کے باعث مئی میں ہونے والے انتخابات میں حصہ نہیں لیں گے۔
ان کے بقول حلقہ بیاسی سے فضل کریم کی جگہ ان کے بیٹے حامد رضا امیدوار ہوں گے۔
صاحبزادہ فضل کریم نے پسماندگان میں بیوہ، چار بیٹے اور ایک بیٹی سوگوار چھوڑی ہے۔

بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago