ممبئی:عمارت گرنے سے ہلاکتیں 72 ہو گئیں

بھارت کے تجارتی شہر ممبئی کے علاقے تھانے میں پولیس کے مطابق منہدم ہونے والی غیر قانونی رہائشی عمارت کے ملبے تلے دب کر ہلاک ہونے والے افراد کی تعداد 72 تک پہنچ گئی ہے اور مزید بچ جانے والوں کی تلاش کا کام روک دیا گیا ہے۔
پولیس کا کہنا ہے کہ سات منزلہ عمارت غیر قانونی طور پر محکمۂ جنگلات کی زمین پر تعمیر کی جا رہی تھی اور اس کی چار منزلیں زیر استعمال تھیں۔
پولیس کا کہنا ہے کہ ہلاک ہونے والوں میں چھبیس بچے بھی شامل ہیں
جائے حادثہ پر ملبے تلے دبے افراد کی تلاش کے لیے امدادی کارروائیاں اب روک دی گئیں ہیں۔
حکام کا کہنا ہے کہ جمعرات کو رات گئے پیش آنے والے اس واقعے کے نتیجے میں ہلاک ہونے والوں کی تعداد میں مزید اضافہ ہو سکتا ہے۔
اس واقعہ کی تحقیقات کا حکم دے دیا گیا ہے جبکہ ڈپٹی میونسپل کمشنر اور سینیئر پولیس اہلکار کو اپنے فرائض سے غفلت برتنے اور عمارت تعمیر کرنے والوں سے مبینہ ساز باز کرنے پر معطل کر دیا گیا ہے۔
مقامی پولیس کمشنر راگونشی کے مطابق عمارت کے مالکان کوگرفتار کرنے کے لیے کارروائی کی جا رہی ہے۔
امدادی کارکنوں نے بھاری مشینری سے جمعے کی رات اور سنیچر کو سار دن تلاش کا کام جاری رکھا جبکہ سونگھنے والے کتوں کی مدد سے بچ جانے والوں کی تلاش کا کام بھی جاری رہا۔
اطلاعات کے مطابق سو کے قریب افراد کو عمارت کے ملبے تلے سے زندہ نکال لیا گیا تھا جن میں ایک دس ماہ کی بچی بھی شامل تھی۔
اس بچی کے والدین اطلاعات کے مطابق اب تک نہیں مل سکے ہیں۔
ایک پولیس اہلکار نے فرانسیسی خبر رساں ادارے اے ایف پی کو جمعے بتایا تھا کہ جمعرات کی شام کو عمارت کا ایک حصہ منہدم ہوا اور اس کے نتیجے میں عمارت کا پورا ڈھانچہ زمین بوس ہو گیا جبکہ ایک پولیس اہلکار نے بی بی سی کو بتایا کہ عمارت بظاہر ناقص تعمیراتی سامان استعمال کرنے کے باعث منہدم ہوئی۔
حکام کا کہنا ہے کہ شہر میں تیزی سے بڑھتی ہوئی آبادی اور رہائشی عمارتوں کی طلب کی وجہ سے اسی طرح کی کئی غیرقانونی عمارتیں زیرِ تعمیر ہیں۔
بھارت میں ناقص تعمیراتی سامان اور طریقۂ کار کی وجہ سے عمارتیں گرنے کے واقعات اکثر پیش آتے رہتے ہیں۔
بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago