Categories: پاکستان

کوہستان میں بس حادثہ: چوبیس سکیورٹی اہکار ہلاک

پاکستان کے صوبہ خیبر پختون خوا کے دور افتادہ علاقے کوہستان میں فوجی حکام کے مطابق کوسٹر کے حادثے میں چوبیس سیکورٹی اہلکار ہلاک اور پانچ زخمی ہو گئے ہیں۔
پاکستانی فوج کے ایک اعلیٰ اہلکار نے بی بی سی کو بتایا کہ ایک کوسٹر میں انتیس سکیورٹی اہلکار چھٹیوں پر راولپنڈی سے گلگت جار رہے تھے کہ راستے میں ٹریفک حادثے کا شکار ہو گئے۔
مقامی پولیس کے مطابق یہ واققہ سنیچر کو علیٰ الصبح کوہستان میں پیش آیا۔
حادثہ اس وقت پیش آیا جب سکیورٹی اہلکاروں کی کوسٹر کوہستان کے ہیڈ کوارٹر سےتقریباً پچپن کلومیٹر دور ثمر نالہ کے قریب کھائی میں گر گئی۔
یہ واقعہ شاہراہ قراقرم پر تھانہ سازین کے حدود میں پیش آیا۔
کوہستان کے ضلعی پولیس افسر نے بی بی سی کو بتایا کہ امدادی کام میں مدد کے لیے فوج سے ہیلی کاپٹر بھیجنے کی درخواست کی گئی ہے۔
پولیس کا کہنا ہے کہ یہ پہاڑی علاقہ ہے اور حادثے کی جگہ کوہستان کے ضلعی ہیڈکوارٹر سے تقریباً تین گھنٹے کے فاصلے پر ہے جس کی وجہ سے امدادی کاموں میں مشکلات کا سامنا ہے۔
مقامی لوگ اپنی مدد آپ کے تحت جائے وقوعہ پر امدادی کاررائیوں میں مصروف ہیں۔
مقامی پولیس اہلکار نے کہا کہ جائے حادثہ پر امدادی کام کے لیے مزید نفری بھیجی جا رہی ہے۔
زخمیوں اور لاشوں کو شتیال آر ایس سی ہسپتال منتقل کیا جا رہا ہے۔
زخمی ہونے والوں میں بعض کی حالت نازک بتائی جا رہی ہے۔
پاکستان کو چین سے ملانے والی شاہراہ قراقرم پر کئی بار اس طرح سے ٹریفک حادثات پیش آ چکے ہیں جن میں عام شہریوں کے علاوہ سکیورٹی فورسز کے اہلکار بھی ہلاک ہو چکے ہیں۔

بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago