Categories: مشرق وسطی

شام: حلب میں شامی فوج کا حملہ، 20 افراد ہلاک، متعدد زخمی

شام کے شمالی شہر حلب میں صدر بشار الاسد کی وفادار فوج کے باغی جنگجوؤں کے زیر قبضہ علاقوں پر راکٹ حملے میں بیس افراد ہلاک اور متعدد زخمی ہو گئے ہیں۔
حلب کے مختلف علاقوں میں قبضے کے لیے گذشتہ کئی ہفتوں سے شامی فوج اور باغی جنگجوؤں پر مشتمل جیش الحر کے درمیان شدید لڑائی ہورہی ہے۔ منگل کو باغیوں کے راکٹ حملے کے بعد پچیس افراد لاپتا ہو گئے ہیں۔

درایں اثناء یہ اطلاع سامنے آئی ہے کہ شامی فوج اور باغی جنگجوؤں کے درمیان شدید لڑائی سے متاثر ہونے والے سیکڑوں شہری اپنا گھر بار چھوڑ کر غیر قانونی سرحدی راستوں سے پڑوسی ملک اردن میں داخل ہورہے ہیں۔شام اور اردن کے درمیان سرحد پر پینتالیس گذرگاہیں بنائی گئی ہیں۔ان کے علاوہ بھی غیر قانونی راستوں سے شامی مہاجرین اردن کی جانب جا رہے ہیں جس کی وجہ سے اردنی فوج کی ذمے داریوں میں اضافہ ہو گیا ہے کیونکہ خانہ جنگی کا شکار ملک سے آنے والوں میں ایک بڑی تعداد زخمی افراد کی بھی ہے۔

اردن کے شمال میں واقع علاقے الزعتری میں مہاجرین کے کیمپ میں اس وقت چورانوے ہزار شامی رہ رہے ہیں اور ہر روز قریبا ڈیڑھ ہزار افراد کی اردن میں آمد ہو رہی ہے۔ان میں زیادہ تر شام کے جنوبی صوبے درعا سے آ رہے ہیں۔

اردنی حکام کا کہنا ہے کہ ان کے ہاں اس وقت تین لاکھ اڑسٹھ ہزار سے زیادہ شامی مہاجرین پناہ گزین کیمپوں میں رہ رہے ہیں۔ان میں اقوام متحدہ کے عالمی خوراک پروگرام کے تحت روزانہ اٹھارہ ٹن کھانے پینے کی اشیاء تقسیم کی جا رہی ہیں۔ سعودی عرب کے فرمانروا شاہ عبداللہ بن عبدالعزیز نے اردن میں پناہ گزین شامی مہاجرین کی بنیادی ضروریات کو پورا کرنے کے لیے گذشتہ ماہ ایک کروڑ ڈالرز کی امداد دی تھی۔

شام میں مارچ 2011ء سے جاری خانہ جنگی کے نتیجے میں سات لاکھ ستاسی ہزار سے زیادہ افراد بے گھر ہو کر مہاجرت کی زندگی گزار رہے ہیں۔ اقوام متحدہ کے فراہم کردہ اعداد وشمار کے مطابق دو لاکھ اسی ہزار شامی شہری لبنان کے شمالی اور مشرقی علاقوں میں عارضی خیموں یا کرائے کے مکینوں یا لبنانی خاندانوں کے ساتھ رہ رہے ہیں۔ باقی شامی مہاجرین خطے کے دوسرے ممالک ترکی اور عراق وغیرہ میں رہ رہے ہیں۔

اقوام متحدہ کے ادارہ برائے اطفال یونیسیف کا کہنا ہے کہ سات لاکھ سے زیادہ شامی مہاجرین میں نصف تعداد بچوں کی ہے اور ان میں سے بھی ایک چوتھائی چار سال کے کم عمر کے شیر خوار شامل ہیں۔ ان میں ایک بڑی تعداد شدید سرد موسم کی وجہ سے مختلف بیماریوں کا شکار ہو رہی ہے۔ اقوام متحدہ شامی مہاجرین کی مدد کے لیے متعدد مرتبہ اپیلیں کر چکی ہے۔


العربیہ ڈاٹ نیٹ، ایجنسیاں

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago