Categories: مشرق وسطی

عراق کے صوبہ الانبار کے شہروں میں بڑے احتجاجی جلوس

عراق کے مغربی صوبے الانبار کے مختلف علاقوں سے تعلق رکھنے والے ہزاروں افراد سخت سیکیورٹی کے باوجود الرمادی شہر میں احتجاجی دھرنا دے رہے ہیں اور وہ وزیراعظم نوری المالکی سے اصلاحات نافذ کرنے کا مطالبہ کررہے ہیں۔
العربیہ ٹی وی کے مطابق الانبار کی عوامی اور کوآرڈی نیشن کمیٹیوں نے سیکیورٹی کی صورتحال کے پیش نظر عراقی دارالحکومت بغداد کی جامع الامام الاعظم مسجد میں نماز جمعہ ادا کرنے کے لیے مارچ ملتوی کر دیا ہے۔

مارچ ملتوی کرنے کا اعلان عراق کے سرکردہ دینی رہنماؤں کے ان خدشات کے پیش نظر کیا گیا ہے کہ منصوبے پر عملدرآمد کی صورت میں سیکیورٹی اداروں کے ساتھ جھڑپوں کا امکان ہے۔

عراقی بری فوج کے سربراہ جنرل علی غیدان نے احتجاجی مظاہرے کی کال دینے والی کوآرڈی نیشن کمیٹیوں کے ارکان، صوبے کے پولیس سربراہ، الانبار کے آپریشنل کمانڈر اور سنی ٹرسٹ کے ڈائریکٹر سے ملاقات کی۔ ملاقات کا مقصد مظاہرین کے مطالبات کا جائزہ لیتے ہوئے تمام فریقوں کے لئے مسائل کے حل کی درمیانی راہ تلاش کرنا تھا۔

جنرل غیدان نے بتایا کہ میرے فوجی یونٹس کے پاس مختلف گورنریوں سے بغداد جانے اور واپس آنے والے مظاہرین کو سیکیورٹی فراہم کرنے کے لیے نفری اور وسائل موجود نہیں۔ انہوں نے بتایا کہ انٹیلی جنس رپورٹس کی روشنی میں ہم نے سترہ اشتہاری ملزموں کو گرفتار کیا ہے جو مظاہروں کو تاراج کرنے کا منصوبہ بنائے ہوئے تھے۔

العربیہ نیوز

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago