Categories: مشرق وسطی

شامی فضائیہ کی حلب یونیورسٹی پر بمباری، 50 طلبہ جاں بحق

شامی حکومت نے نان جویں اور پٹرول کی خاطر قطاروں میں کھڑے عوام پر بمباری کے بعد حلب یونیورسٹی کے طلبہ کو اسدی توپخانے کا نشانہ بنا کر اپنے وحشیانہ مظالم کے باب میں ایک نیا اضافہ کیا ہے۔ العربیہ ٹی وی کے مطابق حملے میں 52 یونیورسٹی طلبہ جاں بحق جبکہ دسویں زخمی ہو گئے۔ بمباری سے جائے حادثہ کے قریب کھڑی پندرہ گاڑیوں کو بھی آگ لگ گئی۔

شامی فضائیہ کے مگ طیاروں سے حلب یونیورسٹی پر دو میزائل داغے گئے۔ پہلا میزائل العمارہ راؤنڈ اباؤٹ جبکہ دوسرا کیمپس ہوسٹل نمبر دو پر گرا۔ عینی شاہدین نے العربیہ کو بتایا کہ سیکیورٹی حکام نے مگ لڑاکا طیاروں کی بمباری سے قبل کیمپس کے دروازے بند کر دیئے تھے۔

اس کے بعد سیکیورٹی اہلکاروں کے کیمپس سے باہر نکلتے ہی بمباری کر دی گئی۔ اس دوران یونیورسٹی کیمپس سے باہر نکلنے کی کوشش کرنے والے طلبہ بمباری کا نشانہ بنے۔

بمباری کے وقت کیمپس میں موجود طلبہ نے بتایا کہ بمباری کے فورا بعد یونیورسٹی میں بشار الاسد کے حامیوں نے ان کے حق میں نعرہ لگانے شروع کر دیئے جبکہ ان کے یونیورسٹی فیلوز کے کٹے پھٹے لاشے خاک و خون میں لت پت پڑے تھے۔

بمباری کا نشانہ بننے والے طلبہ کے جسم کے ٹکڑے دور دور پھیل کئے۔ پچاس قابل شناخت نعشوں کی تصدیق ہو چکی ہے۔ یاد رہے کہ یونیورسٹی میں آج پہلا پرچہ تھا جس کی وجہ سے کیمپس میں طلبہ کی حاضری سو فیصد تھی۔ سخت سردی کے باوجود طلبہ کی اتنی بڑی تعداد میں موجودگی کی ایک وجہ یہ بھی بتائی جاتی ہے کہ اس سے قبل تعلیمی اداروں کو بشار الاسد کی حامی فوج نے اتنے بڑے پیمانے پر اپنا ہدف نہیں بنایا۔

شام کے سرکاری ٹی وی چینل نے حلب یونیورسٹی پر بمباری کے فورا بعد حملے کی نیوز بریک کرتے ہوئے بتایا کہ یونیورسٹی کیمپس میں بم دھماکا نہیں بلکہ شامی فضائیہ کے طیاروں سے بمباری کی گئی ہے۔ یاد رہے کہ یہ ساری تفصیل حملے کے چند منٹ بعد ہی سرکاری ٹی وی کی بریکنگ نیوز میں نشر کی جا رہی تھی۔

شامی حکومت کے حامی ‘الدنیا’ ٹی وی کی ٹیم حملے کے چند ہی منٹ بعد بشار الاسد کی حمایت میں ریلی کو کور کرنے پہنچ گئی جس سے اندازہ لگایا جا سکتا ہے کہ حملہ کس قدر منظم طور پر کیا گیا۔


العربیہ

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago