جماعت اسلامی کے سابق امیر قاضی حسین انتقال کرگئے

جماعت اسلامی کے سابق امیر قاضی حسین احمد اسلام آباد کے ایک اسپتال میں حرکت قلب بند ہوجانے سے انتقال کرگئے۔
قاضی حسین احمد طویل عرصے سے دل کے عارضے میں مبتلا تھے تاہم ہفتے اور اتوار کی درمیانی رات ان کی طبیعت بگڑ گئی اور وہ جاں بر نہ ہوسکے۔ قاضی حسین احمد کی تدفین ان کے آبائی گاؤں زیارت کاکا خیل میں کی جائے گی ۔
قاضی حسین احمد 1938 میں ضلع نوشہرہ کےگاؤں زیارت کاکاصاحب میں پیداہوئےتھے، قاضی حسین احمد 1970میں جماعت اسلامی کےرکن بنے۔ میاں طفیل کی بعد وہ جماعت اسلامی کی امیر منتخب ہوئے تھے۔ وہ مسلسل چار مرتبہ جماعت اسلامی کے امیر منتخب ہوئے۔ قاضی حسین احمد متحدہ مجلس عمل کے آخری سربراہ بھی رہے۔

ایکسپریس نیوز