اخوان المسلمون کے ایک عہدیدار نے تنظیم کے غیر سرکاری نتائج کے حوالے سے بتایا کہ دوسرے مرحلے میں 64 فیصد شہریوں نے نئی دستوری ترمیم کی حمایت میں ووٹ دیا ہے۔
ادھر مصری اپوزیشن کی جماعتوں پر مشتمل نینشل سالویشن فرنٹ کے ایک عہدیدار نے بتایا کہ ان کے غیر سرکاری نتائج کے مطابق دستور میں ترمیم کے حق میں زیادہ ووٹ ڈالے گئے ہیں حالانکہ اپوزیشن نے ریفرینڈم ناکام بنانے کے لئے بھرپور مہم چلائی تھی۔ انہوں نے کہا کہ اسلام پسند اس وقت ملک کے حکمران نہیں اور یہی لوگ انتخابی عمل کے نگران بھی تھے۔ لوگوں میں اپنا اثر و رسوخ بھی رکھتے ہیں، ایسے حالات میں ریفرینڈم میں ‘منظور ہے’ کے علاوہ کسی اور نتیجے کی کیونکر توقع کی جا سکتی تھی۔
ووٹنگ کا وقت ختم ہونے کے بعد ریفرینڈم میں ڈالے گئے ووٹوں کی گنتی شروع ہو گئی۔ ساحلی گورنری مرسی مطروح سے موصول ہونے والے نتائج میں 91.8 فیصد شہریوں نے دستور کے حق جبکہ 8.2 نے مخالفت میں ووٹ ڈالے۔
اسماعیلیہ شہر کے غیر حتمی اور غیر سرکاری نتیجے کے مطابق ابتک 201 پولنگ اسٹیشنز سے نتائج موصول ہو چکے ہیں جن میں 179620 یعنی 70 فیصد نے نئے دستور کے بارے میں ‘ہاں’ جبکہ 76905 یعنی 30 فیصد نے ‘ناں’ میں ووٹ دیا۔ المنیا میں بھی 564 پولنگ اسٹشنز کے نتائج موصول ہو چکے ہیں جن میں 84 فیصد شہریوں نے نئی دستور ترمیم کے حق میں ووٹ ڈالا ہے۔
حسنی مبارک کی آبائی گورنری المنوفیہ میں دستوری ترمیم کے خلاف 382491 جبکہ موافقت میں 363894 نے ووٹ ڈالے۔ اس طرح اس اہم حلقے میں بھی دستوری ترمیم کے حق میں 22 ہزار ووٹ زیادہ ڈالے گئے۔ الوادی الجدید گورنری میں 87.2 نے دستوری ترمیم کے حق میں ‘ہاں’ جبکہ 12.8 نے ‘ناں’ کا ووٹ ڈالا۔
غیر سرکاری نتائج کے مطابق گزشتہ ہفتے ہونے والے ریفرینڈم کے پہلے مرحلے میں 57% شہریوں نے ‘ہاں’ کہ کر ووٹنگ میں حصہ لیا ۔ ججوں کی بڑی تعداد نے ریفرینڈم کی نگرانی کرنے سے معذرت کر لی تھی اس لئے اسے دو مرحلوں میں مکمل کیا گیا۔
یاد رہے کہ ریفرینڈم کا پہلا مرحلہ قاہرہ، اسکندریہ، الشرقیہ، الدقھلیہ، الغربیہ، اسیود، سوہاج، اسوام، شمال سینا اور جنوبی سینا کے علاقوں میں گزشتہ ہفتے منعقد ہوا۔
قاہرہ ۔ رائیٹرز
العربیہ ڈاٹ نیٹ
مقامی افراد کی تقرری تمام قوموں اور مذاہب کا مشترکہ مطالبہ ہے
ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…
امیر تبلیغی جماعت حضرت مولانا نذرالرحمٰن انتقال کر گئے
قرآن و سیرت کی تدریس کے طریقۂ کار پر تربیتی ورکشاپ کا انعقاد
صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…
حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں