Categories: مشرق وسطی

غزہ پر اسرائیل بمباری،3دنوں میں جاں بحق فلسطینیوں کی تعداد 30 ہوگئی

اسرائیل نے غزہ پر حملے کی تیاریاں تیز کردیں۔فضائی حملوں میں 30 فلسطینی جانوں کے ضیاع کے بعد زمینی حملوں کے لیے بڑی فوج تیار کی جارہی ہے۔
ادھر امریکی صدر بارک اوباما نے اسرائیل کو امریکی حمایت کی ایک بارپھر یقین دہانی کرائی ہے۔
اسرائیل نے دعویٰ کیاہے کہ اس نے غزہ میں ڈرون بنانے والی فیکٹری پرحملہ کرکے اسے تباہ کردیاہے جبکہ اسرائیلی کابینہ نے فوج میں 75000 ریزرو فوجیوں کی بھرتی کی منظوری دے دی ہے۔
اسرائیل ان فوجیوں کو غزہ میں کسی بھی ممکنہ زمینی کارروائی میں استعمال کرسکتا ہے،جو پہلے ہی غزہ پر فضائی حملے جاری رکھے ہوئے ہے۔
اسرائیل نے غزہ کے اطراف کی تمام مرکزی شاہراہیں بند کردی ہیں۔
فوجی آپریشن تیز کرنے کے لیے زمینی فوجی دستے ، ٹینکوں اور بکتر بند گاڑیوں کو الرٹ کردیا ہے۔
امریکی صدرباراک اوبامانے خطے میں کشیدگی کم کرنے کے بجائے اسے ہوادینے کابیان جاری کیاہے۔
کہتے ہیں کہ اسرائیل کواپنے دفاع کاحق حاصل ہے۔
ادھر عرب رہنما اور اقوام متحدہ اسرائیلی جارحیت کو روکنے کے لیے سرگرم ہوگئے ہیں۔
سیکریٹری جنرل بان کی مون نے ایک بیان میں حماس اور اسرائیل سے خطے امن قائم رکھنے کی اپیل کی اور جلد ہی غزہ کا دورہ کرنے کا اعلان کیا ہے۔
مصری وزیر اعظم حشام قندیل نے جمعے کو غزہ کا ہنگامی دورہ کیااورخطے میں ممکنہ جنگ کوروکنے کیلیے حماس کے رہنماوٴں سے بات چیت کی۔
قاہرہ میں موجود مصری صدر محمد مرسی نے فلسطینیوں کو مکمل حمایت کا یقین بھی دلایا ہے۔
ادھر ترکی میں سیکڑوں افراد نے اسرائیلی جارحیت کے خلاف استنبول میں اسرائیلی قونصل خانے اور انقرہ کے سفارتخانے کے باہر احتجاجی مظاہرے کیے۔

جنگ نیوز

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago