Categories: پاکستان

کراچی: 42 افراد کی ہلاکت کے بعدپولیس اور رینجر بالآخرحرکت میں آگئی

کراچی میں گزشتہ تین روز میں دہشت گردی کے واقعات میں 42 افراد کی ہلاکت کے بعد کراچی پولیس،رینجرز، سی آئی ڈی اور دیگر قانون نافذ کرنے والے ادارے بالآخرحرکت میں آگئے۔
چھاپہ مار کاروائیوں اور ٹارگٹڈ آپریشن میں 3 درجن سے زائد افراد کو حراست میں لے لیا گیا۔
شہر میں تین روز سے جاری قتل وغارت گری کے واقعات کے بعد بالآخر پولیس،رینجرز،سی آئی ڈی،انسداد انتہاء پسندی سیل،اور دیگر قانون نافذ کرنے والے ادارے ایکشن میں آگئے۔
ڈالمیاء کے علاقے شانتی نگر میں پولیس نے گینگ وار سے وابستہ ملزمان کی موجودگی کی اطلاع پر چھاپہ مارکارروائی کرکے 6 ملزمان کو گرفتارکرلیا،رینجرز نے کورنگی بلال کالونی میں ٹارگٹڈ آپریشن کے دوران 9 ملزمان کو حراست میں لیکر اسلحہ برآمد کیا جبکہ کورنگی انڈسٹریل ایریا کے علاقے شریف آباد میں بھی چھاپے مارے گئے، سچل گوٹھ،صفورا چورنگی اور سپرہائی وے سے ملحق جمالی گوٹھ میں بھی سی آئی ڈی کی ٹیم نے چھاپہ مار کارروائیاں کیں،جس کے دوران کالعدم تنظیم سے تعلق رکھنے والے 10 ملزمان کو حراست میں لیے جانے کا دعویٰ کیا گیاہے۔
سرچ آپریشن کیلیے سی آئی ڈی کی ٹیم نے بکتر بند گاڑیاں بھی استعمال کیں۔
ایس ایس پی سی آئی ڈی چودھری اسلم پریس کانفرنس میں تمام ملزمان کی گرفتاریاں ظاہر کریں گے۔
پٹیل پاڑہ، لیاقت آباد میں سندھی ہوٹل اور اے ایریا میں بھی رینجرز نے ٹارگٹڈ آپریشن کیا اور 3 مشتبہ افراد کو حراست میں لے لیا،رینجرز موبائلوں کے ہمراہ موٹر سائیکل سوار اہلکار بھی موجود تھے،جنھوں نے مختصر وقت میں تیزرفتارکارروائیاں کیں۔

جنگ نیوز

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago