العربیہ ڈاٹ نیٹ کے مطابق منامہ کے ضلعی پولیس چیف نے بتایا کہ سوموار کے روز دارالحکومت کی ایک مصروف شاہراہ پر واقع القضیبیہ اور العدلیہ کے علاقوں میں زور دار دھماکے ہوئے۔ پولیس چیف کے بہ قول یہ دھماکے دیسی ساختہ بموں سے کیے گئے جن میں دو ایشیائی باشندے جان بحق اور ایک زخمی ہوا ہے۔
ابتدائی تحقیقات کے مطابق بم دھماکے میں ایک شخص موقع پر ہی ہلاک ہوا جبکہ دوسرا شخص قضیبیہ میں اوال سیمیناء کے قریب کوڑے کے ڈھیر میں بم پھٹنے کے نتیجے میں شدید زخمی ہوا تاہم زخموں کی تاب نہ لاتے ہوئے اسپتال کے راستے میں چل بسا۔ تیسرا شخص جو کہ ایک خاکروب بتایا جاتا ہے العدلیہ کے مقام پر اس وقت بم پھٹنے سے زخمی ہوا جب وہ سڑک کنارے کوڑے کی صفائی کر رہا تھا۔
ادھر بحرینی میڈیا کےمطابق کالعدم تنظیم بحرین فریڈم موومنٹ اور اپوزیشن رہ نما قاسم الھاشمی کی جانب سے سماجی رابطے کی ویب سائیٹس پر حکومت کےخلاف اشتعال انگیز بیانات تحریر کیے گئے ہیں، جن میں حکومت کےخلاف اسلحہ کے استعمال جیسے اشتعال انگیز نعرے بھی شامل ہیں۔
حکومت مخالف لیڈر قاسم الہاشمی نےاپنے ٹیوٹر اکاؤنٹ پر حکومت کو مخاطب کرتے ہوئے لکھا ہے کہ ’’ہم اپنے شہداء کاخون رائیگاں نہیں جانے دیں گے۔ چاہے کچھ بھی ہو جائے ہم اپنے حقوق حاصل کرکے رہیں گے اور انتقام لیں گے‘‘۔
خیال رہے کہ بحرین پچھلے ڈیڑھ سال سے اندرونی شورش کا شکار چلا آ رہا ہے تاہم خلیجی ممالک کی مداخلت کے باعث حکومت کے خلاف شورش کامیاب نہیں ہو سکی ہے۔
منامہ ۔ محمد العرب
العربیہ ڈاٹ نیٹ
مقامی افراد کی تقرری تمام قوموں اور مذاہب کا مشترکہ مطالبہ ہے
ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…
امیر تبلیغی جماعت حضرت مولانا نذرالرحمٰن انتقال کر گئے
قرآن و سیرت کی تدریس کے طریقۂ کار پر تربیتی ورکشاپ کا انعقاد
صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…
حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں