Categories: افغانستان

افغانستان: بم دھماکے میں اٹھارہ افراد ہلاک

افغانستان میں سڑک کنارے نصب بم کے دھماکے میں کم سے کم اٹھارہ افراد ہلاک اور پندرہ زخمی ہو گئے ہیں۔
یہ واقعہ شمالی افغانستان میں اس وقت پیش آیا جب باراتیوں سے بھری ایک بس سڑک کنارے نصب بم سے ٹکرا گئی۔
افغانستان میں بی بی سی کے نامہ نگار کے مطابق یہ اپنی نوعیت کے واقعات میں سب سے زیادہ ہلاکت خیز حادثہ ہے۔
بم حملے کا نشانہ بننے والی بس میں عورتیں اور بچے بھی سوار تھے۔ یہ بس صوبہ بلخ کے ضلع دولت آباد میں شادی میں شریک افراد کو لے کر جا رہی تھی۔
تاحال یہ واضح نہیں ہے کہ اس بس کو جان بوجھ کر نشانہ بنایا گیا ہے یا یہ محض ایک حادثہ تھا اور نہ ہی ابھی کسی نے اس حملے کی ذمہ داری قبول کی ہے۔
صوبے کے پولیس سربراہ شیر جان درانی نے فرانسیسی خبر رساں ادارے اے ایف پی کو بتایا ’ہلاک ہونے والے تمام افراد عام شہری تھے جن میں زیادہ تعداد عورتوں اور بچوں کی ہے۔‘
حکام نے خدشہ ظاہر کیا ہے کہ ہلاکتوں کی تعداد میں اضافہ ہو سکتا ہے۔
زخمیوں کا علاج کرنے والے سرجن داؤد روستائی کا کہنا ہے کہ زیادہ افراد کی حالت نازک ہے۔ ان کا کہنا تھا ’بعض افراد کو کم زخم آئے ہیں لیکن بعض کے زخموں کا علاج کافی لمبا ہوگا‘۔
شمالی افغانستان کو عام طور پر ملک کے دیگر حصوں کی نسبت محفوظ علاقہ سمجھا جاتا ہے۔ لیکن بلخ میں حالیہ برسوں میں طالبان کی نقل وحرکت میں اضافہ ہوا ہے جسے نیٹو فورسز روکنے میں ناکام رہی ہیں۔
اگست میں اقوامِ متحدہ نے اپنی ایک رپورٹ میں کہا تھا کہ گذشتہ پانچ برسوں میں شہریوں کی ہلاکت میں کمی آئی ہے جو اس بات کو ظاہر کرتا ہے کہ جنگ میں فریقین شہریوں کی ہلاکت کے حوالے سے کافی حساس ہو گئے ہیں۔ تاہم افغانستان میں اقوامِ متحدہ کے ماتحت مشن نے خدشہ ظاہر کیا ہے کہ عام شہریوں کی ہلاکتوں کی تعداد اب بھی بہت زیادہ ہے۔
افغانستان میں دو ہزار ایک سے شروع ہونے والے جنگ میں ہلاک ہونے والے شہریوں کے بالکل صحیح اعداد وشمار موجود نہیں ہیں تاہم زیادہ تر اندازوں کے مطابق کم سے کم بیس ہزار عام شہری اب تک مارے جا چکے ہیں۔
بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago