Categories: رپورٹس

عرب الیکٹرانک فوج کے مغربی ویب سائٹس پر حملے

دبئی (العربیہ اردو) بعض عرب ممالک سے تعلق رکھنے والے اور خود کو عرب الیکٹرانک آرمی کہلوانے والے متعدد ہیکروں نے امریکا میں بنی توہین آمیز فلم کے خلاف مغربی ویب سائٹس پر حملے کرکے انھیں ہیک کر لیا ہے۔

مراکش سے تعلق رکھنے والے ایک ہیکر نے العربیہ انگلش کو ایک ای میل بھیجی ہے جس میں کہا ہے کہ اللہ کے نبی صلی اللہ علیہ وسلم کے دفاع کے لیے ہیکنگ کی کارروائیاں کی جا رہی ہیں۔

خود کو رضوان کے نام سے متعارف کرانے والے اس مسلم نوجوان نے کہا کہ ”الیکٹرانک آرمی حال ہی میں معرض وجود میں آئی ہے۔پہلے ہم انفرادی طور پر مغربی ویب سائٹس کو ہیک کرنے کا کام رہے تھے لیکن اب ہم نے ٹیم کے طور پر کام کرنا شروع کر دیا ہے۔

انھوں نے اپنے بعض ہیکر ساتھیوں کی شناخت بھی کرائی ہے۔ان میں عبدالحق کا تعلق مراکش،علاء العصری اور خالد کا تعلق شام سے ہے۔ایک اور ہیکر کا تعلق سعودی عرب سے ہے لیکن اس کی شناخت نہیں بتائی گئی۔رضوان نے بتایا کہ ہم ہیکنگ کی کارروائیاں حضرت محمد صلی اللہ علیہ وسلم کی مغربی ممالک میں اہانت کے ردعمل میں کررہے ہیں۔

رضوان اس عرب الیکٹرانک آرمی کے ترجمان ہیں۔انھوں نے مزید بتایا کہ انھوں نے ہی یہ فوج تشکیل دینے کی تجویز پیش کی تھی اور اس کو مسلم نوجوانوں نے بھرپور پذیرائی بخشی ہے۔

ان عرب ہیکروں نے ایک ویب سائٹ www.handmet-military.net پر قرآن مجید کی ایک آیت پوسٹ کی ہے اور حضرت محمد صلی اللہ علیہ وسلم کے بارے میں بائبل میں حقیقی سچائی کے عنوان سے عربی سب ٹائٹل کے ساتھ ویڈیو اپ لوڈ کی ہے۔

رضوان کے مطابق انھوں نے مندرجہ ذیل ویب سائٹس ہیک کی ہیں:
www.paradaviva.com, www.vibeararuama.com.br, nioaquemaisnoticias.com.br, itamixfm.com.br, clickboahora.com, frizzera.com.br, leapresentes.com.br, mucuriverdade.com.br, mundiostur.com.br/

ان کا کہنا تھا کہ ان کا گروپ متعلقہ حلقوں تک اپنا پیغام پہنچانے کے لیے مغربی ویب سائٹس کو ہیک کرنے کا سلسلہ جاری رکھے گا۔
مصطفی عجبالی

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago