لیبیا میں اقتدارمنتخب نمائندوں کے حوالے

طرابلس(خبررساں ادارے) لیبیا میں قومی عبوری کونسل نے اقتدار عوام کے منتخب نمائندوں کے حوالے کردیا ہے۔ لیبیا کے دارالحکومت طرابلس میں اقتدار کی منتقلی کی تقریب ہوئی۔
قومی عبوری کونسل کے سربراہ مصطفی عبدالجلیل نے اعلان کیا کہ وہ آئینی اختیارات عوام کے منتخب نمائندوں پر مشتمل جنرل نیشنل کانگریس کے حوالے کر رہے ہیں جو اب لیبیائی عوام کی جائز اور قانونی نمائندہ ہے۔
گذشتہ ماہ انتخابات کے بعد وجود میں آنے والی نئی اسمبلی آئندہ ہفتے اپنا کام شروع کردے گی اور اس کی اولین ذمہ داری عبوری حکومت کا انتخاب ہوگی۔